На чыгуначным вакзале ў Мінску з’явілася каса для афармлення квіткоў, аплачаных праз інтэрнэт
Беларуская чыгунка выдзеліла на вакзале станцыі Мінск-Пасажырскі спецыялізаваную касу № 8 для афармлення праязных дакументаў, аплачаных праз інтэрнэт.
Пра гэта паведамляе сайт БЧ.
З 5 снежня пасажыры, якія аплацілі квіткі праз інтэрнэт, абслугоўваюцца ў дадзенай касе ў першачарговым парадку.
Каса размешчана ў левым крыле будынка вакзала. Рэжым працы — кругласуткавы.
Адкрыццё спецыялізаванай касы абумоўлена ростам аб'ёму анлайн-продажаў квіткоў праз сайт Беларускай чыгункі. Так, у лістападзе гэтага года праз інтэрнэт было аплачана больш за 69 тыс. праязных дакументаў, што амаль у тры разы перавышае ўзровень студзеня 2013 года.
Акрамя таго, у Мінску з 5 снежня адкрыты чыгуначныя касы па афармленні праязных дакументаў на цягнікі рэгіянальных ліній эканом-класа ў новым павільёне на платформе № 1 прыпыначнага пункта Інстытут Культуры.
Касы размешчаны каля прыпынку гарадскога транспарту «Таварная». Час працы — з 6:30 да 19:20.
Цяпер чытаюць
Купля кватэры праз кааператыў замест іпатэкі: як працуе сістэма, падобная да піраміды, і што кажуць удзельнікі і эксперт3
Каментары