Эпідэмія свежавысечаных дзвярэй у гістарычным цэнтры Гродна працягваецца — фотафакт
У сакавіку ў Гродне сапсавалі фасад былога Дамініканскага кляштара. Днямі чарговая гістарычня пабудова набыла чарговыя дзверы.
«Незапланаваны» праём прабілі ў глухой сцяне з боку помніка Васілю Сакалоўскаму, піша «Вечерний Гродно».
Яшчэ ў сакавіку з галоўнага фасаду пабудовы з’явіліся новыя дзверы на месцы акна. Тады за незахаванне парадку рэканструкцыі ўладальнік памяшкання заплаціў штраф, а супрацоўнік Мінкульта, які дазволіў на змены, быў звольнены.
Навуковы кіраўнік рэканструкцыі будынка па Савецкай, 6 Яўген Басаў папярэджваў аб магчымасці з’яўлення яшчэ адных дзвярэй у гістарычнай пабудове.
Прычынай ён зазначаў тое, што чарговы пакупнік памяшканняў у былым кляштары таксама хоча зрабіць асобны ўваход для свайго офіса.
Яўген Басаў прапануе выхад, каб пазбегнуць прабівання шматлікіх дзвераў у архітэктурным набытку. Для гэтага трэба зрабіць адзіны ўваход у пабудову праз цэнтральныя арыгінальныя дзверы, якія б праз калідоры вялі да ўсіх памяшканняў. Але дзеля гэтага неабходна перамясціць у іншы пакой тэлефонную краму, якая цяпер перакрывае праход.
Складаецца ўражанне, што да канца года ў гістарычным цэнтры Гродна, як і на прадпрыемствах, існуе план — на свежавысечаныя дзверы. 18 дзён засталося да новага года. Цікава, колькі яшчэ новых дзвярэй у старых будынках з’явіцца за гэты час?
Даведка «ВГ»
Будынак з цяперашнім адрасам Савецкая, 6 быў узведзены ў сярэдзіне ХVІІ стагоддзя як кляштар для манахаў-дамініканцаў. Дарэчы, вуліца на той момант таксама насіла назву Дамініканскай. Пры кляштары дзейнічала Дамініканская школа, якая мела права прысвойваць вучоныя ступені. У 1833 годзе Дамініканскую гімназію зачынілі ў сувязі з удзелам яе навучэнцаў у паўстанні 1830-1831 гадоў. На яе падставе з 1834 года пачала дзейнічаць Гродзенская губернская мужчынская гімназія. Кляштар ліквідавалі ў 1840 годзе.
Цяпер чытаюць
«Дагэтуль задаюся пытаннем, чым Пратасевіч мяне зачараваў». Вялікае інтэрв'ю Соф'і Сапегі — частка другая8
Каментары