У суботу, 21 снежня, атмасферны фронт з Заходняй Еўропы прынясе ў многія раёны Беларусі ападкі ў выглядзе мокрага снегу і дажджу. На дарогах — галалёдзіца. Тэмпература паветра ўначы складзе ад мінус 4 да плюс 2 градусаў, днём прагназуецца ад мінус 1 да +4 градусаў.
У нядзелю рост атмасфернага ціску выштурхне франтальны раздзел на тэрыторыю Расіі — і ападкі пры тэмпературы паветра, блізкай да нуля, паступова спыняцца. Стане менш ветрана.
У панядзелак ноччу на большай частцы Беларусі, днём месцамі чакаюцца кароткачасовыя ападкі — мокры снег, дождж. Вецер будзе паўднёва-заходні ўмераны. На дарогах — галалёдзіца. Тэмпература паветра ўначы складзе ад мінус 3 да плюс 3 градусаў, у дзённыя гадзіны чакаецца ад 0 да 5 градусаў са знакам плюс.
Да канца наступнага тыдня Беларусь апынецца на стыку глыбокага цыклону ля берагоў Нарвегіі і шырокага антыцыклону над поўднем еўрапейскай часткі Расіі.
«Паветра стане паступаць з паўднёвых шырот, а гэта кажа пра тое, што зімовае надвор'е па-ранейшаму не прыйдзе ў Беларусь», — адзначыла галоўны сіноптык Рэспубліканскага гідраметэацэнтра Людміла Парашчук.
Цяпер чытаюць
На поўначы Беларусі існавала велізарнае возера — у 150 разоў большае за Нарач. Яно знікла ў выніку прыроднай катастрофы, але сляды заўважныя і сёння77
Каментары