«Белтэлекам» спыняе прыём наяўных плацяжоў за паслугі byfly, гарадскога тэлефона і іншыя
Нацыянальны аператар сувязі РУП «Белтэлекам» спыняе прыём наяўных плацяжоў за свае паслугі тэлефоннай сувязі, доступу ў інтэрнэт і іншыя.
«З 1 мая 2014 года аплата за кватэрны тэлефон, папаўненне паслуг доступу ў сетку інтэрнэт byfly, інтэрактыўнага тэлебачання ZALA і іншых паслуг электрасувязі будзе ажыццяўляцца толькі ў аддзяленнях паштовай сувязі, у банках, з дапамогай інфакіёскаў і іншых спосабаў безнаяўных аплат», — паведамляе «Белтэлекам». Прычыны такога рашэння ў паведамленні «Белтэлекама» не пазначаныя.
У яго сэрвісных цэнтрах/пунктах з названай даты аплата прымацца не будзе.
У ліку магчымых альтэрнатыўных варыянтаў аплаты за паслугі «Белтэлекам» таксама прапаноўвае: «Інфармацыйны партал» паслугі ZALA (сістэма плацяжоў з экрана тэлевізара), інтэрнэт-банкінг, мабільны банкінг, сістэмы электронных грошай.
Каментары