5 чэрвеня а 19:00 у Галерэе сучаснага мастацтва «Ў» (пр. Незалежнасці, 37А) адбудзецца прэзентацыя новай кнігі – «Каляндар Бахарэвіча» з удзелам аўтара.
У календары змешчаныя 366 арыкулаў-эсэяў, па адным на кожны дзень. Занураючыся ў глыбіні гісторыі, Альгерд Бахарэвіч выцягвае на паверхню незвычайныя факты. Ён апісвае іх так, нібы сам ёсць нябачным сведкам усіх падзей, – захапляльна і надзвычай глыбока.
Так, з календара можна даведацца, у які дзень Жанна д’Арк апошні раз у жыцці апранула мужчынскае адзенне, як спужаная ўлада хацела даць дошкай па галаве ста тысячам удзельнікаў усебеларускага страйку, чаму Бахарэвіч не ў гусце Барбі…
Аздоблены цудоўнымі ілюстрацыямі, напоўнены чароўнымі і невядомымі гісторыямі з жыцця нашай маленькай планеты, «Каляндар» прыйдзецца даспадобы кожнаму, стане сапраўднай настольнай кнігай.
Падчас прэзэнтацыі кніга будзе разыграная ў якасці прыза.
А набыць яго можна ўжо цяпер у кнігарні ЛогвінаЎ.
Каментары