Тэрмін увядзення рэжыму перадаплаты за газ, які пастаўляецца Расіяй ва Украіну, перанесены на панядзелак, 16 чэрвеня.
Пра гэта паведаміў кіраўнік «Газпрома» Аляксей Мілер пасля сустрэчы прадстаўнікоў Расіі і Еўрасаюза ў ноч на сераду.
«Расійскі бок зрабіў крок насустрач для таго, каб працягнуць перамовы, якія ў апошнія дні вяліся вельмі інтэнсіўна», — сказаў ён.
Кіраўнік «Газпрома» таксама адзначыў, што расійскі бок разлічвае на паспяховае правядзенне двухбаковых і трохбаковых перамоваў, прызначаных на 11 чэрвеня ў Брусэлі.
Трохбаковыя перамовы Расія — Украіна — ЕС па газе былі адкладзеныя на сераду ў сувязі з познім прыбыццём расійскай дэлегацыі.
Тэрмін пагашэння «Нафтагазам Украіны» часткі доўгу за пастаўкі расійскага газу скончыўся 10 чэрвеня.
Прэс-сакратар еўракамісара па энергетыцы Сабіна Бергер заявіла раней, што Еўракамісія не чакае перабояў з пастаўкамі газу ва Украіну, пакуль ідуць трохбаковыя кансультацыі.
Цяпер чытаюць
Лукашэнка пра вызваленне палітвязняў: Хочуць застацца ў Беларусі — калі ласка1
Каментары