«З боку Расіі» ўжываюцца «Грады» і зенітныя ракеты. Таму рыхтуецца «перадыслакацыя» і, магчыма, частковая мабілізацыя.
Прэзідэнт Украіны Пятро Парашэнка правёў пасяджэнне Рады нацыянальнай бяспекі і абароны. «Мы маем прамыя і даказаныя выпадкі адкрыцця супраць Украіны агню з тэрыторыі Расійскай Федэрацыі. Ёсць відэадоказы, ёсць неабвержныя разлікі, паказанні, спадарожнікавыя фотаздымкі, іншая доказная база», — паведаміў Парашэнка.
На сёння ўкраінцам супрацьстаіць праціўнік, які мае на ўзбраенні мацнейшыя сістэмы залпавага агню і супастаўныя сістэмы СПА.
Па словах прэзідэнта Украіны, ёсць доказы прымянення з боку Расеі сістэм залпавага агню «Град», зенітна-ракетных сістэм супраць самалётаў. «Гэта пераводзіць канфлікт у зусім іншую плоскасць», — сказаў Парашэнка.
Парашэнка хваліў сілавікоў, частка якіх апынулася ў фактычным атачэнні на ўкраінска-расійскай мяжы: «Мужнасць і гераізм украінскіх воінаў, якія ўтрымліваюць пад агнявым кантролем расійска-ўкраінскую мяжу, — дзівосная. Мы ганарымся нашымі дэсантнікамі 79 брыгады, нашымі мотастралкамі 72-й брыгады, нашымі спецназаўцамі».
Асобна ён адзначыў падраздзялення Нацыянальнай гвардыі, якія «рашуча супрацьстаялі ў баі праціўніку, які быў ідэнтыфікаваны як расійскія вайскоўцы». «Яны ўдалым манеўрам адышлі на апорны пункт і не толькі абаранілі, сарвалі аперацыю праціўніка, але і перайшлі ў наступ», — сказаў прэзідэнт.
Парашэнка паведаміў, што толькі за ўчорашні дзень былі збітыя 3 ўкраінскія самалёты.
«Майстэрства нашых лётчыкаў дазволіла захаваць два самалёты, мы страцілі толькі адзін самалёт, два пасадзілі на аэрадром, і я прыняў рашэнне аб прадстаўленні да дзяржаўных узнагарод абодвух пілотаў», — паведаміў ён.
Прэзідэнт паведаміў, што па яго даручэнні Генеральны штаб цяпер плануе перадыслакацыю войскаў.
«Мы мяняем тактыку, якая дазволіць нам якасна дзейнічаць ва ўмовах непасрэднага прыцягнення узброеных сіл замежных дзяржаў», - сказаў ён.
Кіраўнік дзяржавы адзначыў, што на пасяджэнні СНБА будзе прааналізавана магчымасць і неабходнасць частковай мабілізацыі.
Таксама на пасяджэнні будзе заслуханы старшыня дзяржаўнага канцэрна «Украбаронпрам» Раман Раманаў. Краіны Захаду адмовіліся пастаўляць Украіне вайсковую тэхніку, таму краіна можа разлічваць толькі на ўласную абаронку.
«Рашучая воля нашага народа да перамогі абавязкова прывядзе да перамогі», — сказаў Парашэнка.
-
«Цяпер мы ядзім усяго раз на дзень». Чаму сірыйцы становяцца ўсё бяднейшымі пасля падзення рэжыму Башара Асада
-
ФБР абвінаваціла Паўночную Карэю ў крадзяжы больш як 6 мільярдаў даляраў з Binance
-
Бацькі з Крэмніевай даліны плацяць па $60 тысяч за школы без гаджэтаў. Чаму яны не хочуць для сваіх дзяцей тэхналогій, якія самі ствараюць?
Цяпер чытаюць
«Дзіма, мой мікраскоп за паўмільёна еўра стаіць у тваёй клініцы. Абсталяванне скраў ты». Заснавальнік «Новага зроку» расказаў пра адносіны з сям'ёй Абельскіх
«Дзіма, мой мікраскоп за паўмільёна еўра стаіць у тваёй клініцы. Абсталяванне скраў ты». Заснавальнік «Новага зроку» расказаў пра адносіны з сям'ёй Абельскіх
«Да лейтэнанта прыехала маладая жонка, пабачыла, што адбываецца ў зоне, і застрэлілася». Выйшла заключная частка ўспамінаў Рыгора Бярозкіна пра ГУЛАГ і савецкі Мінск1414
Каментары