Не толькі інтэрнэт ці флэшкі могуць быць крыніцай шкодных праграм
Гэта паказаў выпадак, аб якім распавёў карыстальнік Reddit пад нікам Jrockilla.
Адзін з выканаўчых дырэктароў вялікай кампаніі занес на свой камп’ютар вірус, крыніцу якога доўга не маглі вызначыць. Яго праграмнае забеспячэнне было абноўленым, стаялі антывірус і абарона ад шкодных праграм. Прагляд гісторыі злучэнняў з інтрнэтам не даў вынікаў.
Калі ўсе традыцыйныя метады былі вычарпаныя, «айцішнікі» спыталі ахвяру, ці не адбыліся за апошні час нейкія змены ў ягоным жыцці. На што выканаўчы дырэктар адказаў: «Я кінуў паліць два тыдні таму і перайшоў на электронныя цыгарэты».
Гэта і падказала адказ на пытанне аб паходжанні віруса. Вырабленая ў Кітаі электронная цыгарэта мела ў памяці «зарадніка» шкодны код, які перадаваўся пры зарадцы — электронныя цыгарэты, як і плэеры ці смартфоны, могуць падзараджацца ад USB-парта камп’ютара. Як толькі цыгарэта падключалася ў USB, яна праз камп’ютар звязвалася з серверам і камп’ютэр сам спампоўваў вірус.
Вось так. Пяць даляраў каштуе цыгарка, а колькі інфармацыі пра вас можа перадаць камусьці.
Алесь Жарскі
Каментары