NASA перадала гаечны ключ у космас па электроннай пошце
Астранаўту Бары Уілмару на Міжнароднай касмічнай станцыі спатрэбіўся гаечны ключ. Зламаў, згубіў забыў узяць — не важна, проста трэба. Што рабіць NASA? Скінуць прадмет па электроннай пошце, піша Wired.
Каліфарнійская кампанія Made in Space празнала пра патрэбу Уілмара ў тарцовым гаечным ключы з ляшчоткай. Для 3D-прынтара, што кампанія раней паставіла на МКС, хутка быў распрацаваны макет ключа патрэбнага памеру.
Гэта першы аб’ект, «раздрукаваны» ў космасе на патрэбу астранаўта.
Але гэта не першы аб’ект, «раздрукаваны» ў космасе. З лістапада астранаўты праводзілі тэсты касмічнага 3D-друку ды раздрукавалі 21 аб’ект, адзін з якіх нават быў запчасткай для 3D-прынтара. Усе тэставыя аб’екты астранаўты вярнуць на Зямлю. Магчыма, ключ Уілмару дазволяць пакінуць сабе.
3D-прынтары дазволяць астранаўтам не чакаць патрэбных інструментаў да наступнага рэйсу з Зямлі, а проста замаўляць эскізы, атрымліваць іх на электронную пошту і самім на арбіце ствараць неабходныя аб’екты.
«Спасибо, Лена! Продолжайте вести наблюдение». Афіцэр, які пісаў Харысавай, пасвіўся ў чатах палітэміграцыі, а некаторым дзяўчатам нават прапаноўваў абмяняцца нюдсамі21
Каментары