На гэтым тыдні ў Беларусі чакаецца сырое, слотнае і цёплае не па сезоне надвор'е.
Пра гэта паведаміў гідраметцэнтр.
Сярэдняя тэмпература паветра чакаецца на 3-6 градусаў, а па поўдні ў асобныя дні на 8 градусаў вышэйшай за норму — як у сярэдзіне сакавіка.
У аўторак захаваецца парывісты вецер, чакаецца галалёдзіца. Тэрыторыя Беларусі будзе знаходзіцца пад уплывам атмасферных франтоў, якія змяшчаюцца з Заходняй Еўропы. Ноччу і раніцай у шматлікіх раёнах, днём месцамі ўзмацненне ветру парывамі да 15—18 м/с. Часам ападкі (мокры снег, дождж), ноччу на ўсходзе слабая завея, слабы галалёд. У начныя і ранішнія гадзіны на большай частцы тэрыторыі на дарогах галалёдзіца. Тэмпература паветра ноччу мінус 5 — плюс 2°С, на паўночным усходзе да мінус 6—8°С, днём плюс 1—6°С.
У сераду Атлантыка будзе выносіць у Беларусь яшчэ цяплейшыя паветраныя масы, і тэмпература паветра складзе ноччу мінус 2 — плюс 5°С, днём плюс 1—6°С, па поўдні да плюс 8°С. Месцамі кароткачасовыя ападкі, галоўным чынам дождж. Ноччу і раніцай у асобных раёнах туман, слабы галалёд, на дарогах галалёдзіца. Днём па поўначы месцамі ўзмацненне ветру парывамі да 15—20 м/с.
У чацвер стане крыху халадней: тэмпература паветра ноччу мінус 4 — плюс 2°С, днём мінус 2 — плюс 4°С.
Месцамі пройдуць кароткачасовыя ападкі (мокры снег, дождж). Ноччу і раніцай у асобных раёнах туман, слабы галалёд, на дарогах галалёдзіца.
У пятніцу пераважна па паўночна-заходняй палове ападкі, галоўным чынам дождж. Ноччу і раніцай у асобных раёнах краіны слабы галалёд. Тэмпература паветра ноччу мінус 5 — плюс 2°С, днём 0 — плюс 6°С.
У выхадныя дні надвор'е істотна не зменіцца: на большай частцы тэрыторыі ападкі (мокры снег, дождж).
У асобных раёнах туман, слабы галалёд, на дарогах галалёдзіца. Тэмпература паветра на працягу сутак мінус 3 — плюс 3°С, па поўдні месцамі да плюс 5°С.
Цяпер чытаюць
Старшыня Рады бяспекі заклікаў беларусаў устрымацца ад паездак у Расію5
Каментары