Цягам сёньняшняга дня стала вядома пра паўторнае адлічэньне з ВНУ адразу двух рэгіянальных моладзевых актывістаў: Кацярыны Салаўёвай з Полацку і Зьмітра Жалезьнічэнкі з Гомелю.
Цягам сёньняшняга дня стала вядома пра паўторныя адлічэньні з ВНУ адразу двух рэгіянальных моладзевых актывістаў: Кацярыны Салаўёвай з Полацку і Зьмітра Жалезьнічэнкі з Гомелю.
Кацярына Салаўёва
Кацярына Салаўёва вучылася на 2-м курсе гісторыка‑філялягічнага факультэту Полацкага дзяржаўнага ўнівэрсытэту. Дзяўчыну не дапусьцілі да зімовай сэсіі, бо яна не здала залік па краіназнаўству. Дата заліку супала з адміністрацыйным судом, калі Салаўёвай прысудзілі штраф у памеры 1 млн. 50 тыс. рублёў за палітычныя графіці нанесеныя на будынак полацкага гарвыканкаму.
У пачатку сьнежня Салаўёву ўжо адлічалі з унівэрсытэту за «акадэмічную непасьпяховасьць». Аднак пад ціскам грамадзкасьці яе аднавілі ў ВНУ ўжо праз пару дзён пасьля выключэньня, праўда, з умовай — да першага парушэньня ці затрыманьня.
Дзяўчына кажа, што будзе паступаць куды‑небудзь за мяжу. «Ці ў Смаленск паеду вучыцца, ці яшчэ куды, але абавязкова на завочнае аддзяленьне», — кажа яна.
Варта нагадаць, што Кацярына Салаўёва праходзіць як падазраваная ў крымінальнай справе паводле арт. 193 ч.1 «Удзел у незарэгістраванай арганізацыі». Другая крымінальная справа супраць Салаўёвай па «зьнявазе дзяржаўных сымбаляў» прыпыненая.
Зьміцер Жалезьнічэнка
22 студзеня рэктар Гомельскага дзяржаўнага ўнівэрсытэту Аляксандар Рагачоў падпісаў загад аб адлічэньні з ВНУ студэнта 3‑га курсу матэматычнага факультэту Зьмітра Жалезьнічэнкі.
Хлопец быў адлічаны з унівэрсытэту яшчэ 7 верасьня 2007 году за адміністрацыйнае правапарушэньне — распаўсюджваньне білетаў на канцэрт беларускіх бардаў без рэгістрацыі. Але Зьміцер тады ня склаў рук і ня зьехаў вучыцца за мяжу, а працягваў адстойваць свае правы у судах.
16 студзеня суд Цэнтральнага раёну Гомеля прызнаў незаконным адлічэньне з трэцяга курсу матэматычнага факультэту студэнта‑выдатніка Зьмітра Жалезьнічэнкі. Хлопец аднавіўся на вучобу, але, як высьветлілася, ненадоўга.
Афіцыйная прычынай новага адлічэньня зьяўляецца — парушэньне правілаў унутранага распарадку, невыкананьне прыказу рэктара і парушэньне дамовы між адміністрацыяй ВНУ і прафсаюзным камітэтам. Перад гэтым прэзыдыюм студэнцкага прафкаму палічыў далейшае знаходжаньне хлопца ў ВНУ «немэтазгодным». За адлічэньне прагаласавалі сямёра студэнтаў, супраць — пяць.
Можна з дакладнасьцю гаварыць, што Зьміцер Жалезьнічэнка будзе працягваць адстойваць свае правы ў судах і надалей.
Цяпер чытаюць
Па падазрэнні ў забойстве цяжарнай мінчанкі затрымалі хакейнага суддзю Аляксея Гаўрылёнка4
Каментары