« Беларусь — наш фарпост, які ахоўвае 1200 км прасторы ў кірунку да Масквы, — заявіў член расейскага камітэту ў справах СНД Уладзімер Нікіцін. — Са згоды беларускага народу на тэрыторыю Беларусі могуць быць вернутыя некаторыя віды ўзбраеньняў».
Расея будзе змушаная больш шчыльна супрацоўнічаць у вайсковай сфэры зь Беларусьсю ў выпадку разьмяшчэньня ПРА ЗША на тэрыторыі Польшчы. Пра гэта карэспандэнту ІА REGNUM 4 лютага заявіў член камітэту Дзяржаўнай думы РФ у справах СНД і сувязях з суайчыньнікамі Ўладзімер Нікіцін (КПРФ), камэнтуючы вынікі працоўнай сустрэчы ў Вашынгтоне кіраўнікоў зьнешнепалітычных ведамстваў Польшчы й ЗША Радаслава Сікорскага й Кандалізы Райс, па выніках якой было заяўлена, што дасягнуты «прынцыповыя дамоўленасьці» ў гэтым пытаньні.
Нікіцін адзначыў, што цяпер «Расея робіць крокі, скіраваныя на тое, каб не дазволіць ЗША разьмясьціць ПРА на тэрыторыі Польшчы». Дэпутат падкрэсьліў, што ў гэтай сытуацыі «багата будзе залежаць ад таго, як будзе паводзіцца пераемнік прэзыдэнта РФ Уладзімера Пуціна». Нікіцін адзначыў, што ў выпадку, калі прэзыдэнтам РФ стане першы віцэ‑прэм’ер ураду Дзьмітрый Мядзьведзеў, «ён будзе больш прыслухоўвацца да таго боку, чым да рускага народу, як чалавек празаходніх поглядаў».
«Я ня бачу ў ім цьвёрдага чалавека, які мог бы жорстка бараніць інтарэсы Расеі», — сказаў дэпутат.
«У выпадку разьмяшчэньня амэрыканскіх ПРА на тэрыторыі Польшчы, Расея будзе змушаная больш шчыльна супрацоўнічаць зь Беларусьсю, бо разумее, што Беларусь — наш фарпост, які ахоўвае 1200 км прасторы ў кірунку да Масквы», — заявіў член камітэту ў справах СНД.
Нікіцін таксама ня выключыў магчымасьці таго, што ў выпадку разьмяшчэньня ПРА ЗША ў Польшчы «са згоды беларускага народу на тэрыторыю Беларусі могуць быць вернутыя некаторыя віды ўзбраеньняў».
-
Перамовы Кіеў — Масква — Вашынгтон пройдуць у пачатку лістапада
-
Памёр бізнэсмен Лучанскі, якога часопіс Time у 1990‑х назваў «самым небяспечным нязлоўленым злачынцам у свеце»
-
«Ну што, піндос, наваяваўся? Зараз мы табе пакажам». Як здзекваліся ў расійскім палоне з амерыканца Хабарда, якога выпусціў Пуцін
Цяпер чытаюць
Расійскі рэпер Ягор Крыд зняўся ў майцы з выявай героя фільма «Ідзі і глядзі», якому дамалявалі пірсінг і татуіроўкі. Цішотку выпусцілі крама беларускі1010
Каментары