Дзяржаўны доўг Рэспублікі Беларусь на 1 мая 2015 года склаў 236,6 трлн рублёў і павялічыўся ў параўнанні з пачаткам 2015 года на 39,1 трлн рублёў, ці на 19,8%.
Пры гэтым, як паведаміла Міністэрства фінансаў, знешні дзярждоўг па стане на 1 мая склаў $12,7 млрд, павялічыўшыся з пачатку года на $107,2, ці на 0,9% (з улікам курсавых розніц).
У студзені—красавіку 2015 года прыцягнуты знешнія дзяржаўныя пазыкі на суму $375,9 млн: $251,8 млн — урада і банкаў Расійскай Федэрацыі; $120,3 млн — банкаў КНР; $3,8 млн — МБРР.
На пагашэнне знешняга дзярждоўгу з пачатку года накіравана $322,5 млн: $87,5 млн — урад Расійскай Федэрацыі; 75,9 млн — МВФ; $88,3 млн — АКФ ЕўрАзЭС; $64,7 млн — банкі КНР; $5,4 млн — МБРР; $0,7 млн — ЗША.
Унутраны дзярждоўг па стане на 1 мая склаў 53 трлн рублёў, павялічыўшыся з пачатку года на 4,6 трлн рублёў, ці на 9,6% (з улікам курсавых розніц).
Паводле звестак Мінфіна, за студзень—красавік 2015 года размешчана ўнутраных валютных дзяржаўных аблігацый для юрыдычных асоб на суму, эквівалентную $88 млн, і 340,5 млрд рублёў. З пачатку 2015 года пагашана валютных і рублёвых дзяржаўных аблігацый для фізічных і юрыдычных асоб (без уліку аперацый па абмене) на суму $175 млн і 765,4 млрд рублёў.
Цяпер чытаюць
«Набліжаецца момант пералому сітуацыі». Вадзім Кабанчук пра план для беларусаў18
«Набліжаецца момант пералому сітуацыі». Вадзім Кабанчук пра план для беларусаў
У якой разведкі была найлепшая інфармацыя з Беларусі ў лютым 2022 і хто паведаміў Буданаву, што асноўны ўдар расіян будзе на Гастомель. З’явілася вялікая публікацыя1717
Каментары