Старшыня КДБ Беларусі Валерый Вакульчык пацвердзіў сёння журналістам ранейшую інфармацыю пра тое, што нядаўна сярод супрацоўнікаў органаў дзяржбяспекі быў выяўлены здраднік.
«Камітэт дзяржаўнай бяспекі не стаў выключэннем у шэрагу тых спецслужбаў, у якіх з'яўляліся здраднікі», — сказаў журналістам Валерый Вакульчык.
Ён растлумачыў, што быў усталяваны вайсковец КДБ, які супрацоўнічаў з замежнай разведкай. «У сваю шпіёнскую дзейнасць ён уцягнуў жонку.
Мы не дапусцілі іх уцёкаў за мяжу. Цалкам задакументавана іх супрацьпраўная дзейнасць. Іх затрымалі з доказамі злачынства», - распавёў кіраўнік КДБ.
Віна затрыманых была даказаная ў судзе — абодва прысуджаныя да 15 гадоў пазбаўлення волі.
Усяго ў сучаснай гісторыі Рэспублікі Беларусь заводзіліся тры справы па арт. 358 КК «Шпіянаж».
Прычым, гаворка ідзе не толькі пра шпіёнаў, якія працавалі на карысць Захаду. Адна з такіх спраў была распачата ў маі гэтага года.
«У дачыненні да афіцэра разведкі адной з замежных дзяржаў была заведзена справа. Ён арыштаваны і знаходзіцца ў СІЗА КДБ», — растлумачыў Валерый Вакульчык.
***
Таксама за ўсю гісторыю сучаснай Беларусі ў дачыненні да 11 беларускіх грамадзян заводзіліся справы па арт. 356 КК (здрада радзіме).
У тым ліку ў 2014 годзе такія справы заводзіліся ў дачыненні да чатырох чалавек. Акрамя гэтага, з дня абвяшчэння незалежнасці Рэспублікі Беларусь у краіне абвешчаныя персонамі нон грата 10 дыпламатаў, якія займаліся шпіёнскай дзейнасцю. «Два з іх былі выяўленыя ў мінулым годзе. Прычым усе яны ў строгай адпаведнасці з міжнароднымі нормамі былі затрыманыя з доказамі злачынства пры ажыццяўленні разведвальнай дзейнасці. Гэта было задакументавана адпаведным чынам і паслужыла падставай для абвяшчэння iх персонамі нон грата. Думаю, гэта паказвае рэальнае становішча спраў у працы нашай контрразведкі», — растлумачыў журналістам Валерый Вакульчык.
Цяпер чытаюць
Бізнэсовец родам з Бабруйска адмовіцца ад свайго гіганцкага аўстралійскага заробку дзеля шанцу атрымаць $35 мільёнаў3
Каментары