Мужчыну са здымка «Х.. родине» зрабілі новае ФОТА
На сайце газеты «Дняпровец» замянілі фотаздымак кіроўцы-перадавіка.
Кіроўца сельгаспрадпрыемства «Савецкая Беларусь» першы перавёз тысячу тон зерня. У газеце «Дняпровец» выйшаў матэрыял пра перадавіка пад загалоўкам: «Лепшы на адвозцы зерня». Але неспадзяванка выйшла з фотаздымкам кіроўцы.
Ён стаяў з кветкамі на фоне свайго аўтамабіля з надпісам «Хлеб радзіме». Але на здымку кіроўца закрыў галавой апошнюю частку слова «хлеб» і атрымалася «Х… Радзіме». На гэта не звярнулі ўвагу ні фатограф, ні рэдактар газеты, але заўважылі інтэрнэт-карыстальнікі.
Са здымка пачалі жартаваць, а навіна на сайце «Дняпроўца» сабрала рэкордныя 30 каментароў кшталту: «Фота залік! Падняло настрой. А фатограф у газеце жартаўнік».
Праз тыдзень перадавіка перафатаграфалі ўжо ў правільным ракурсе, для гэтага нават уручылі новы букет.
Каментары