У Беларусі закончыўся тэрмін падачы дэкларацый аб сукупным гадавым даходзе за 2007 год. Па стане на 3 сакавіка ў падатковыя органы прадстаўлена 130.711 дэкларацый, у тым ліку індывідуальнымі прадпрымальнікамі — 23.034, фізічнымі асобамі — 107.677. Гэта прыкладна на 100 тысяч менш, чым было пададзена дэкларацый аб сукупным гадавым даходзе на пачатак сакавіка мінулага года.
Як патлумачылі БелаПАН у Міністэрстве па падатках і зборах, гэтае памяншэнне адбылося ў выніку змянення падатковага заканадаўства. Так, калі ў 2006 годзе падатковыя вылікі прадастаўляліся плацельшчыку непасрэдна падатковым органам на падставе прадстаўленай ім дэкларацыі, то з 2007 года падатковыя вылікі прадастаўляюцца плацельшчыку як падатковым органам, так і па месцы асноўнай працы.
Найбольшая колькасць дэкларацый сёлета традыцыйна пададзена ў Мінску (43.001). З рэгіёнаў лідзіруе Віцебская вобласць (14.698), за ёю размясціліся Брэсцкая (14.601), Гомельская (16.548), Мінская (16.466), Магілёўская (13.221) і Гродзенская (12.176) вобласці.
Грамадзяне, якія прадставілі дэкларацыю аб сукупным гадавым даходзе за 2007 год, абавязаны выплаціць падаходны падатак не пазней за 15 мая 2008 года.
У МПЗ таксама звяртаюць увагу, што фізічныя асобы маюць права на залік або вяртанне залішне выплачаных сум падаходнага падатку на працягу трох гадоў пасля заканчэння падатковага перыяду.
Цяпер чытаюць
Яе не хацелі браць у музычную школу, а ў 14 яна сыграла ў Карнегі-холе ў Нью-Ёрку. Беларуская скрыпачка — пра жыццё ў Лондоне, заробкі і чым скрыпка Страдывары за 14 мільёнаў еўра адрозніваецца ад звычайнай4
Каментары