Гарадскі суд Набярэжных Чаўноў у аўторак прысудзіў актывіста Рафіса Кашапава да трох гадоў калоніі агульнага рэжыму за некалькі пастоў у сацыяльнай сетцы УКантакце. Акрамя таго, пасля адбыцця асноўнага пакарання асуджанаму забаронена карыстацца сацыяльнымі сеткамі на працягу двух гадоў.
Кашапаў прызнаны вінаватым па артыкулах аб ўзбуджэнні нянавісці і варожасці (арт. 282 КК РФ) і аб ажыццяўленні дзеянняў, накіраваных на парушэнне тэрытарыяльнай цэласнасці РФ (артыкул 280.1), гаворыцца ў заяве пракуратуры Татарстана.
Як паведамляецца, у 2014 годзе актывіст размясціў на сваёй старонцы тэксты на палітычныя тэмы, у якіх апісваў прарасійскую адміністрацыю анексаванага паўвострава Крым як «акупантаў» і параўноўваў Уладзіміра Пуціна з Адольфам Гітлерам.
Таксама ў матэрыялы справы трапіў «дэматыватар» з рэзкай крытыкай расійскай замежнай палітыкі.
На думку праваабаронцаў з інфармацыйна-аналітычнага цэнтра «Сава», прысуд Кашапава неправамерны, паколькі апублікаваныя Кашапавым тэксты ўтрымліваюць толькі крытыку дзеянняў расійскай улады, што не можа разглядацца як дастатковая падстава для ўзбуджэння справы па гэтых артыкулах.
Праваабарончы цэнтр «Мемарыял» лічыць Кашапава палітвязнем.
-
Перамовы Кіеў — Масква — Вашынгтон пройдуць у пачатку лістапада
-
Памёр бізнэсмен Лучанскі, якога часопіс Time у 1990‑х назваў «самым небяспечным нязлоўленым злачынцам у свеце»
-
«Ну што, піндос, наваяваўся? Зараз мы табе пакажам». Як здзекваліся ў расійскім палоне з амерыканца Хабарда, якога выпусціў Пуцін
Цяпер чытаюць
Расійскі рэпер Ягор Крыд зняўся ў майцы з выявай героя фільма «Ідзі і глядзі», якому дамалявалі пірсінг і татуіроўкі. Цішотку выпусцілі крама беларускі1010
Каментары