Дзевяцімесячнае дзіця, пакінутае без нагляду, патанула падчас купання ў ванне ў адным з бабруйскіх інтэрнатаў.
Як паведаміла афіцыйны прадстаўнік УСК па Магілёўскай вобласці Аксана Салянюк, здарэнне адбылося 19 кастрычніка. «Жанчына 1985 года нараджэння пайшла мыць свайго дзевяцімесячнага сына. Ваду ў ванну набірала душам. У нейкі момант выскачыла на пару хвілін нешта ўзяць, а калі вярнулася, дзіця ўжо было пад вадой», — сказала Салянюк.
Паводле яе слоў, маці і бацька дзіцяці спрабавалі самі рэанімаваць немаўля, выклікалі хуткую дапамогу. Дактары канстатавалі смерць неймаўляці.
Сям'я, у якой адбылася трагедыя, беспраблемная. Бацька працуе, маці знаходзіцца ў адпачынку па догляду за дзіцём, у сям'і ёсць яшчэ адно дзіця 2004 нараджэння.
Распачатая справа па артыкуле 159 Крымінальнага кодэкса (пакіданне ў небяспецы). Асноўная версія смерці дзіцяці — утапленне. Паводле папярэдніх дадзеных, слядоў гвалтоўнай смерці не выяўлена.
Цяпер чытаюць
Сілавікі завітваюць да беларусаў, якіх ужо не могуць прыцягнуць па крыміналцы за ўдзел у маршах, з маскі-шоу — для прафілактыкі9
Сілавікі завітваюць да беларусаў, якіх ужо не могуць прыцягнуць па крыміналцы за ўдзел у маршах, з маскі-шоу — для прафілактыкі
«Узнікаюць уяўленні, што палітвязні мусяць быць стойкімі, сабранымі, удзячнымі. А рэальнасць розная». Пагаварылі з людзьмі, якія водзяць дэпартаваных літаральна за руку66
Каментары