У Расіі прычынай катастрофы А321 назвалі «здраду егіпецкіх спецслужбаў»
Расійскія ўлады не выключаюць, што катастрофа самалёта А321 на Сінайскім паўвостраве стала наступствам «здрады егіпецкіх спецслужбаў».
Пра гэта газеце «Коммерсант» распавялі крыніцы ў дзяржаўных структурах.
«Што б ні здарылася, гэта іх вялікі правал», — заявіў суразмоўца газеты. У прыватнасці, паводле звестак крыніцы, следчыя правяраюць інфармацыю пра тое, што да борта Airbus A321 да ўзлёту з невядомых прычын былі дапушчаныя староннія асобы.
Раней міжнародныя інфармацыйныя агенцтвы са спасылкай на супрацоўнікаў службы бяспекі аэрапорта Шарм-эль-Шэйх паведамлялі, што парушэнні рэжыму бяспекі там насілі сістэматычны характар. У прыватнасці, суразмоўцы адзначалі, што часта не працуюць сканеры ў зонах, дзе аглядаецца ўжо зарэгістраваны багаж. Іх выключалі для эканоміі электраэнергіі.
У цэлым расійскія СМІ рэзка зменшылі колькасць публікацый пра катастрофу пасля таго, як стала высвятляцца, што гэта тэракт. Імаверна, Масква баіцца, што інфармацыя пра тэракт можа падарваць у грамадстве падтрымку ваеннай аперацыі Расіі ў Сірыі.
Цяпер чытаюць
Каля плошчы Бангалор у Мінску вырас яшчэ адзін звышсакрэтны аб’ект15
Каля плошчы Бангалор у Мінску вырас яшчэ адзін звышсакрэтны аб’ект
«Калі б я быў следчым КДБ, я б падкрэсліў тое самае». Фядута — пра схаваныя сэнсы «Каласоў пад сярпом тваім», увагу сілавікоў да свайго рукапісу і загадку з трэцяй часткай рамана Караткевіча1212
Каментары