Прэзідэнт Азербайджана Ільхам Аліеў 27-28 лістапада наведае з афіцыйным візітам Беларусь, паведамляе прэс-служба кіраўніка беларускай дзяржавы.
«Запланаваныя перамовы беларускага лідара Аляксандра Лукашэнкі і кіраўніка азербайджанскай дзяржавы ў вузкім і пашыраным складах, а таксама падпісанне міжнародных дакументаў», — гаворыцца ў паведамленні.
Чакаецца, што Ільхам Аліеў ускладзе вянок да манумента Перамогі ў Мінску, наведае Беларускі дзяржаўны музей гісторыі Вялікай Айчыннай вайны.
Ільхам Аліеў пабываў у Мінску з афіцыйнымі візітамі тройчы — у 2006, 2009 і 2012 гадах. І кожны раз беларускі калега адказваў узаемнасцю — у 2007, 2010 і 2013 гадах.
11-13 чэрвеня гэтага года Аляксандр Лукашэнка наведваў Азербайджан з рабочым візітам. Ён прыняў удзел у афіцыйнай цырымоніі адкрыцця I Еўрапейскіх гульняў і правёў перамовы з Аліевым.
Па выніках візіту некаторыя аналітыкі выказалі здагадку, што Беларусь зноў хоча атрымаць фінансавую падтрымку ад Азербайджана. Так, у 2010 Аліеў тэрмінова даў Мінску пазыку 200 млн даляраў для разліку з Расіяй за пастаўкі прыроднага газу, а праз год Баку пад гарантыі беларускага ўрада вылучыў крэдыт у 300 млн даляраў «Беларуськалію».
Завадчанін Ігар, які вяртаўся дадому бухім, упершыню ў жыцці едзе за мяжу. А яшчэ ён халасты7
Каментары