Нетаньяху папрасіў Берлусконі дапамагчы яму наладзіць кантакт з Абамам, а Сарказі абмяркоўваў з Берлусконі дрэнны стан італьянскай эканомікі, гаворыцца на партале WikiLeaks.
WikiLeaks у аўторак, 23 лютага, абвясціў пра публікацыю сакрэтных дакументаў аб праслухоўванні Агенцтвам нацыянальнай бяспекі (АНБ) ЗША вядучых сусветных лідараў. Па дадзеных партала, АНБ праслухоўвала канцлера ФРГ Ангелу Меркель, генеральнага сакратара ААН Пан Гі Муна, ізраільскага прэм'ер-міністра Біньяміна Нетаньяху, а таксама экс-прэм'ера Італіі Сільвіа Берлусконі і былога прэзідэнта Францыі Нікаля Сарказі.
Дакументы ўтрымліваюць падрабязнасці гутаркі Пан Гі Муна і Ангелы Меркель аб барацьбе са змяненнем клімату, паведамляе WikiLeaks. У іх таксама гаворыцца пра тое, што Нетаньяху прасіў Берлусконі дапамагчы яму наладзіць кантакт з прэзідэнтам ЗША Баракам Абамам, а Сарказі абмяркоўваў з Берлусконі дрэнны стан італьянскай эканомікі.
Раней WikiLeaks паведамляў, што АНБ ЗША ажыццяўляла сачэнне не толькі за канцлерам ФРГ Ангелай Меркель, але і за яе папярэднікамі Гельмутам Колем і Герхардам Шродэрам. Такім чынам, вядучыя палітыкі ФРГ падвяргаліся шпіянажу на працягу некалькіх дзесяткаў гадоў.
Цяпер чытаюць
Колькі беларусаў атрымалі польскае грамадзянства за апошні час. Лічбы ўражваюць23
Каментары