Намеснік начальніка Дзяржаўнай інспекцыі аховы жывёльнага і расліннага свету пры прэзідэнце Беларусі Аляксандр Дуньковіч назваў на прэс-канферэнцыі самыя праблемныя ў плане браканьерства вадаёмы.
«Традыцыйна ў заходняй частцы Беларусі праблемным з'яўляецца возера Спораўскае. І справа, напэўна, не ў наяўнасці там вялікіх запасаў рыбы, а ў менталітэце мясцовых жыхароў. Гэта людзі, якія акружаны з усіх бакоў балотам і заўсёды былі гаспадарамі лясоў і рэк. Я сам туды выязджаў летась падчас нерасту, дык мы некалькі дзясяткаў сетак дасталі нават без лодкі — дастаткова было надзець высокія боты», — растлумачыў намеснік начальніка.
Праблемнымі ў гэтым рэгіёне таксама з'яўляюцца возера Белае і Чорнае.
«Калі ісці далей, то самым праблемным вадаёмам з-за вялікіх запасаў рыбы, у тым ліку і каштоўных відаў, можна назваць Лукомскае вадасховішча. Там цёплая вада, добрая кармавая база і выдатныя ўмовы для ўзнаўлення рыбы. Вадаём вялікі, кантраляваць яго складана, вось туды і накіроўваюцца браканьеры з усёй краіны», — падкрэсліў намеснік начальніка Дзяржінспекцыі.
Аляксандр Дуньковіч адзначыў, што хвалю браканьерства там удалося збіць, але ідэальнага парадку ўсё роўна няма. «Нядаўна там памяняўся арандатар, які, спадзяюся, навядзе на вадаёме парадак», — канстатаваў ён. Возера цяпер арандуе ТАА «ТэраФіш».
Пры гэтым намеснік начальніка Дзяржінспекцыі адзначыў, што колькасць і браканьераў, і парушэнняў у Беларусі зніжаецца. «Мы ўжо бачым гэтую дынаміку. Мабыць, у сувязі з узмацненнем жорсткасці патрабаванняў, новымі нормамі ў заканадаўстве, да свядомасці людзей усё ж такі даходзіць, якую шкоду яны наносяць. Акрамя таго, расце правасвядомасць людзей, асабліва моладзі», — канстатаваў ён.
«Толькі тры чалавекі будуць ведаць пра вас. Самы першы чалавек краіны». З'явіліся запісы размоў шпіёнкі Іны Кардаш з куратарам13
«Толькі тры чалавекі будуць ведаць пра вас. Самы першы чалавек краіны». З'явіліся запісы размоў шпіёнкі Іны Кардаш з куратарам
«Лукашэнка павінен панесці адказнасць за саўдзел у расійскай агрэсіі». Міністр замежных спраў Украіны расказаў пра новую палітыку ў дачыненні да Беларусі2020
Каментары