Супрацоўнікамі аддзялення па наркакантролі і супрацьдзеянні гандлю людзьмі Ленінскага РУУС сталіцы за захоўванне i распаўсюджванне асабліва небяспечнага псіхатропнага рэчыва альфа-PVP затрыманая 32-гадовая мінчанка.
У цяперашні час затрыманая цяжарная і выхоўвае дваіх малалетніх дзяцей. Псіхатроп жанчына набывала праз наладжаныя кантакты мужа, які са студзеня гэтага года адбывае пакаранне ў месцах пазбаўлення волі. Штодня жанчына фасавала і размяшчала ў схованках па ўсім горадзе каля 10 скруткаў з псіхатропным рэчывам, зарабляючы такім каля 1 000 000 беларускіх рублёў.
«Затрыманая сама ўжывае псіхатропы, — распавядае начальнік аддзялення па наркакантролі і супрацьдзеянні гандлю людзьмі Ленінскага РУУС сталіцы Ян Рагаўцоў. — Уначы яна фасавала тавар, а раніцай разам з дзецьмі на грамадскім транспарце развозіла яго па «схованках». Пастаянна скардзілася суседзям на тое, што з двума малалетнімі дзецьмі ніхто не хоча браць яе на працу».
У цяперашні час у дачыненні да затрыманай узбудзілі крымінальную справу. Жанчыне можа пагражаць ад 8 да 13 год пазбаўлення волі (ч.3 арт.328 КК).
Цяпер чытаюць
Коўл Лукашэнку: Табе трэба быць больш асцярожным, за сталом кепскіх пацаноў застаўся адзін ты17
Каментары