КНДР у дзень нараджэння Кім Ір Сена ўпершыню запусціла балістычную ракету сярэдняй далёкасці «Мусудан».
Паўднёвакарэйскія ваенныя заявілі, што пасля запуску ракета адхілілася ад нармальнай траекторыі. Міністэрства абароны ЗША назвала запуск правалам.
«Мусудан» (таксама вядомая як BM25) — першая балістычная ракета КНДР сярэдняй далёкасці. Яна тэарэтычна можа данесці баявы зарад нават да амерыканскай выспы Гуам.
Упершыню ракета была паказана падчас ваеннага параду ў гонар 65-годдзя кіруючай партыі КНДР у 2010 годзе. Тады эксперты выказвалі здагадкі, што гэта на самай справе былі макеты, а не сапраўдная зброя. Да 15 красавіка 2016 года не было сведчанняў запускаў «Мусудан».

Каментары