Расійская Федэральная служба выканання пакаранняў (ФСВП) заявіла, што пагодзіцца накіраваць у суд дакументы на выдачу Кіеву грамадзянкі Украіны Надзеі Саўчанка толькі ў выпадку, калі ўкраінскі бок гарантуе выкананне гэтага прысуду.
«У выпадку прадастаўлення міністэрствам юстыцыі Украіны гарантый выканання прысуду расійскага суда ў дачыненні да асуджанай у поўным аб'ёме, прадстаўленне ФСВП Расіі будзе накіравана ў суд», — гаворыцца ў паведамленні прэс-службы ФСВП, якое цытуюць расійскія інфармагенцтвы.
Раней адвакаты Саўчанка заявілі, што яна запоўніла ўсе паперы, неабходныя для яе перадачы Украіне. Яны ўдакладнілі, што дакументы адрасаваныя кіраўніцтву ФСВП. У дакументах Саўчанка адмовілася прызнаць віну, аднак пагадзілася выплаціць прысуджаны ёй судом штраф у 30 тысяч рублёў.
Сама Саўчанка прыстрашыла пачаць чарговую галадоўку ў выпадку, калі працэс яе выдачы в Украіну зацягнецца. Крэмль раней адзінымі умовамі выдачы Саўчанка называў выкананне расійскага заканадаўства.
Цяпер чытаюць
Расійскі рэпер Ягор Крыд зняўся ў майцы з выявай героя фільма «Ідзі і глядзі», якому дамалявалі пірсінг і татуіроўкі. Цішотку выпусцілі крама беларускі1010
Каментары