Нацыянальныя акадэміі навук, тэхнікі і медыцыны ЗША падрыхтавалі падрабязны даклад, прысвечаны генетычна мадыфікаваным (ГМ) сельскагаспадарчым культурам. Галоўнай думкай даклада стала тое, што прадукты з ГМ-культур не толькі не шкодныя, але могуць быць карысныя для чалавека.
Даклад выпушчаны па выніках працы спецыяльна створанай камісіі. Яе члены вывучылі даступную літаратуру па пытанні, апыталі 80 экспертаў з розных абласцей, прааналізавалі больш за 900 навуковых прац і азнаёміліся з больш чым 700 каментарамі прадстаўнікоў грамадскасці.
Дакумент рэцэнзавалі 26 незалежных экспертаў. Усе скарыстаныя матэрыялы, якія склалі доказную базу, размешчаны на спецыяльна створаным сайце.
Як гаворыцца ў дакладзе, у цяперашні час выкарыстоўваюцца два тыпы ГМ-культур: устойлівыя да насякомых (яны змяшчаюць гены бактэрыі Bacillus thuringiensis) і да гербіцыдаў, што знішчаюць пустазелле. У асноўным гэтыя мадыфікацыі прыменяць да соі, кукурузы і бавоўны — больш за 90% гэтых культур, якія вырошчваюцца ў ЗША, утрымліваюць тыя ці іншыя гены ўстойлівасці.
Сабраныя за 20 гадоў выкарыстання ГМ-культур дадзеныя сведчаць аб адсутнасці іх буйнамаштабнага эфекту на здароўе людзей і свойскай жывёлы.
Доўгатэрміновыя эпідэміялагічныя паказчыкі, вывучаныя камісіяй, не выявілі росту колькасці выпадкаў анкалагічнымі і іншымі захворваннямі. Пэўную карысць прыносіць тое, што прадукты з травы, устойлівай да насякомых, менш забруджаныя інсектыцыдамі.
ГМ-культуры абодвух тыпаў у цэлым прыносяць больш ўраджаю і даходу, аднак гэты паказчык вар'іруецца ў залежнасці ад геаграфіі вырошчвання, мясцовых шкоднікаў і пустазелля, а таксама методыкі культывацыі. На разнастайнасць раслін і насякомых гэтыя культуры не ўплываюць. У рэдкіх выпадках дададзеныя гены, як і ўласныя, гарызантальна пераходзяць да суседніх раслінаў, аднак ніякай шкоды ад гэтага выяўлена не было.
Аўтары даклада адзначаюць, што заканадаўчая рэгуляцыя выкарыстання ГМ-культур моцна адрозніваецца ў розных краінах, паколькі адлюстроўвае мясцовыя сацыяльныя, палітычныя, юрыдычныя і культурныя адрозненні, што абцяжарвае міжнародны гандаль. Акрамя таго, сучасныя тэхналогіі размываюць розніцу паміж традыцыйнай селекцыяй і генетычнай мадыфікацыяй. У сілу гэтага камісія парэкамендавала правяраць на бяспеку, у тым ліку з выкарыстаннем геномнага аналізу, усе новыя гатункі сельскагаспадарчых культур з новымі ўласцівасцямі незалежна ад спосабу іх атрымання.
Цяпер чытаюць
Адцісканні з татам, урокі з мамай. Як жыве і вучыцца сям’я Севярынцаў у Вільні4
Каментары