Амерыканская армія ўвяла медаль за барацьбу з «Ісламскай дзяржавай». У чым розніца з расійскім аналагам?
Сухапутныя войскі ЗША ўвялі спецыяльную ўзнагароду для жаўнераў, якія ваявалі ў Іраку і Сірыі супраць ісламістаў з 15 чэрвеня 2014 года, піша афіцыйны партал armytimes.com.
15 чэрвеня 2014 года пачалася аперацыя «Трывалая рашучасць» — вайсковая аперацыя амерыканскіх войскаў супраць тэрарыстычнай «Ісламскай дзяржавы» у Іраку. З верасня таго ж года яна пашырылася на Сірыю.
Рашэнне пра стварэнне новага медалю было прынятае Пентагонам яшчэ на пачатку вясны, аднак закончылася распрацоўка ўзнагароды і яе статуту адносна нядаўна.
Жаўнеры атрымліваюць медаль у трох выпадках: 1) як мінімум месячнае выкананне абавязкаў ў зоне аперацыі, 2) удзел у баі падчас аперацыі, 3) атрыманае раненне ці гібель падчас выканання абавязкаў падчас аперацыі.
Раней (у канцы 2015) Масква ўвяла медаль для ўдзельнікаў сваёй аперацыі ў Сірыі. Аднак, у адрозненне ад амерыканскага медаля, з-за вельмі размытых крытэраў атрымання расійскую ўзнагароду масава раздаюць цывільным асобам, якія ніяк не ўдзельнічалі ў баявых дзеяннях.
Гэта вядзе да поўнай дэвальвацыі сэнсу вайсковай узнагароды.
Гэтак, 8 лютага 2016 года расійскія медалі атрымалі чырлідаркі з групы падтрымкі шоу «Рускія асілкі», якія выступалі на авіябазе ў Сірыі на Новы год.
Цяпер чытаюць
Адстаўны міністр-карупцыянер прадае рэспектабельны катэдж каля Драздоў. Просіць $2 мільёны3
Каментары