У Расіі цкуюць лёгкаатлетку Дар’ю Клішыну, якую дапусцілі да Алімпіяды
25-гадовая скакуха ў даўжыню Дар’я Клішына — гэта адзіная расійская лёгкаатлетка, якую дапусцілі да Алімпіяды ў Рыа-дэ-Жанэйра. Сама Дар’я з Цвяры, але апошнія тры гады стала жыве ў ЗША.
Гэта не самая моцная расійская атлетка. Толькі ў 2014 годзе яна была трэцяй на чэмпіянаце Еўропы ў Цюрыху. Гэта найвышэйшае дасягненне Клішынай.
Калі стала вядома, што расійскую зборную не дапусцяць да Алімпіяды праз шматлікія выпадкі ўжывання допінгу, яна звярнулася ў Міжнародную федэрацыю лёгкай атлетыкі (ІААF) з просьбай дапусціць яе да Алімпіяды. Усе астатнія 67 заявак былі адхіленыя.
Прычым Клішына будзе выступаць не пад расійскім, а пад нейтральным сцягам.
На сваёй старонцы ў фэйсбуку Клішына пакінула допіс на англійскай мове, дзе дзякуе ІААF за вынесенае рашэнне. «Сёння я сапраўды шчаслівая», — напісала яна.
Пасля гэтага ў каменты да Клішынай прыйшлі дастаткова агрэсіўная публіка, якая стала пераконваць, што спартсменка — гэта ганьба краіны, а таксама яна здрадзіла інтарэсам краіны.
Праз нейкі час Дар’я Клішына пакінула іншы допіс: «Дарагія сябры, цяпер як ніколі нам патрэбна ваша падтрымка. Ніхто не павінен апускаць рукі, і нам варта дачакацца рашэння суда і спадзявацца што яно будзе на карысць рускіх атлетаў і што ўсё ж такі наша каманда зможа паехаць на Алімпіяду ў Рыа», — напісала Клішына, аднак нават пад гэтым допісам было мноства негатыўных водгукаў.
Алімпіяда ў Рыа пройдзе ад 5 да 21 жніўня.
«Узнікаюць уяўленні, што палітвязні мусяць быць стойкімі, сабранымі, удзячнымі. А рэальнасць розная». Пагаварылі з людзьмі, якія водзяць дэпартаваных літаральна за руку66
Каментары