У Гомелі будуць судзіць мужчыну, які стрэліў у твар цяжарнай
У суд Чыгуначнага раёна Гомеля 12 ліпеня паступіла на разгляд крымінальная справа ў дачыненні да 36-гадовага мясцовага жыхара.
Мужчына абвінавачваецца па артыкуле 339 Крымінальнага кодэкса Беларусі (асабліва злоснае хуліганства), паведаміла БелаПАН прэс-сакратар Гомельскага абласнога суда Вольга Барсукова.
Інцыдэнт здарыўся сёлета ў красавіку позна ўвечары каля прыпынку грамадскага транспарту ў прыгарадзе Гомеля, у пасёлку Касцюкоўка.
Мясцовы жыхар пачаў чапляцца да дзвюх дзяўчат, да спіны адной з іх прыставіў газавы пісталет і загадаў не рухацца. Сяброўка дзяўчыны, якая знаходзілася на сёмым месяцы цяжарнасці, папрасіла прыбраць пісталет, але той навёў зброю на яе твар і стрэліў.
Пацярпелая не атрымала цялесных пашкоджанняў, але перанесла стан шоку.
На крыкі прыбеглі мінакі, якія затрымалі хулігана і перадалі міліцыі.
У мужчыны не было дазволу на нашэнне такога тыпу зброі. Суд можа пакараць яго пазбаўленнем волі на тэрмін ад 3 да 10 гадоў.
Рэдкі выпадак: памілаваны беларускі палітвязень пайшоў на вайну супраць Украіны16
Рэдкі выпадак: памілаваны беларускі палітвязень пайшоў на вайну супраць Украіны
«Стрэльба калі і стрэліць, то наўрад ці кулямётнай чаргой». Максім Знак ацаніў рэальнасць пагроз беларускай прапаганды пазбавіць грамадзянства палітэмігрантаў1212
Каментары