У Афганістане ў выніку авіяўдару дрона забіты лідар мясцовага падраздзялення экстрэмісцкага руху «Ісламская дзяржава» Хафіз Саід Хан, паведамляюць крыніцы ў Пентагоне.
Летась афганскія спецслужбы ўжо паведамлялі пра смерць Саіда Хана ў выніку бамбавання дронам, але тады структуры ІД абверглі гэтую інфармацыю.
Апошняе паведамленне амерыканскіх вайскоўцаў таксама пакуль не пацверджана з незалежных крыніц.
У Пентагоне ўдакладняюць, што ракетны ўдар па тым месцы, дзе знаходзіўся Саід Хан, быў нанесены 26 ліпеня.
У той дзень афганскія ваенныя паведамілі аб маштабнай аперацыі супраць ІД у правінцыі Нангархар, у выніку якой, паводле іх звестак, загінулі каля 120 баевікоў. Аднак тады не ўдакладнялася, ці быў сярод іх Саід Хан.
Першапачаткова Хафіз Саід Хан камандаваў адным з падраздзяленняў «Талібану», аднак потым прысягнуў на вернасць «Ісламская дзяржава».
Са студзеня 2015 года гэтыя два экстрэмісцкія рухі знаходзяцца ў Афганістане ў стане адкрытага супрацьстаяння: талібы захоўваюць кантроль у многіх рэгіёнах краіны, аднак ІД паспяхова рэкрутуе ў свае шэрагі баявікоў Талібану, у тым ліку іх палявых камандзіраў.
Цяпер чытаюць
Бабарыка расказаў, чаму перад выбарамі не шукаў падтрымкі ў Расіі. І як яго хацелі звольніць з Белгазпрамбанка за лозунг «Жыве Беларусь!»6
Бабарыка расказаў, чаму перад выбарамі не шукаў падтрымкі ў Расіі. І як яго хацелі звольніць з Белгазпрамбанка за лозунг «Жыве Беларусь!»
Максім Знак пра прэс-канферэнцыю ва Украіне: Мы дамовіліся не ўздымаць найбольш балючыя тэмы — катаванняў, санкцый, вайны. Можа, мусілі мы па-іншаму зрабіць99
Каментары