Санкцыі ЕС супраць Расіі, уведзеныя ў сувязі з канфліктам ва Украіне, павінны захоўвацца, пакуль сітуацыя на месцах не палепшыцца. Пра гэта заявіў кіраўнік МЗС Літвы Лінас Лінкявічус, паведамляе Reuters.
Такім чынам ён адрэагаваў на заявы прэм'ер-міністра Славакіі Роберта Фіцо пра тое, што санкцыі шкодзяць і ЕС, і Расіі і не ўплываюць «абсалютна ні на што».
«Маёй неадкладнай рэакцыяй на падобныя каментары пра тое, што мы не дамагліся абсалютна нічога, ёсць меркаванне пра тое, што варта дадаць больш санкцый», — заявіў Лінкявічус.
Паводле яго слоў, прапановы адносна спынення санкцый з'яўляюцца заўчаснымі, паколькі сітуацыя на ўсходзе Украіны не супакоілася, доступ у зону канфлікту для назіральнікаў застаецца абмежаваным, а Расія па-ранейшаму ажыццяўляе ваеннае ўмяшанне.
«Мы ведаем, што ваенная тэхніка і вайскоўцы Расійскай Федэрацыі да гэтага часу ёсць на тэрыторыі Украіны, не кажучы ўжо пра сітуацыю на яе мяжы», — адзначыў кіраўнік МЗС Літвы.
Як вядома, у пачатку ліпеня ЕС падоўжыў эканамічныя санкцыі супраць Расіі да канца студзеня наступнага года.
-
«Альтэрнатыва для Германіі» ў новаабраным ландтагу Саксоніі-Анхальт адразу ж запатрабавала спыніць падтрымку Украіны і адмяніць санкцыі супраць Расіі
-
ЗША падтрымалі Латвію ў барацьбе з нелегальнай міграцыяй і высока ацанілі яе гатоўнасць узаемадзейнічаць з Беларуссю
-
У Іспаніі памерла 87‑гадовая жанчына, справа якой справакавала цяперашні палітычны крызіс у краіне
Рэдкі выпадак: памілаваны беларускі палітвязень пайшоў на вайну супраць Украіны16
Рэдкі выпадак: памілаваны беларускі палітвязень пайшоў на вайну супраць Украіны
«Стрэльба калі і стрэліць, то наўрад ці кулямётнай чаргой». Максім Знак ацаніў рэальнасць пагроз беларускай прапаганды пазбавіць грамадзянства палітэмігрантаў1212
Каментары