Галяндыя – Італія – 3:0! "Аранжавыя" жорстка пазьдзекаваліся зь дзеючых чэмпіёнаў сьвету. У аўторак, 10 чэрвеня, уступяць у барацьбу каманды групы "D". А 19-й пачнецца матч Гішпанія – Расея, а ў 21:45 на поле выйдуць зборныя Швэцыі і Грэцыі.
"Аранжавыя" жорстка пазьдзекаваліся зь дзеючых чэмпіёнаў сьвету.
Калі першы матч панядзелка, дзе сышліся зборныя Францыі і Румыніі, быў самым малацікавым з матчаў чэмпіянату, то гэты матч быў самы відовішчны і захапляльны. І трымаў няглядзячы на лік у напрузе да апошняй хвіліны.
На 25-й вызначыўся форвард мадрыдзкага "Рэалу" Рууд ван Ністэлрой. Праз шэсьць хвілін гол-прыгажун забіў Уэсьлі Снайдэр, таксама гулец "Рэалу". Дарэчы, Снайдэру ў панядзелак споўнілася 23 гады. Някепскі падарунак на дзень народзінаў.
У другім тайме італьянцы ледзь не перахапілі ініцыятыву, мелі некалькі добрых момантаў. Але Джовані ван Бронкхорст з "Фэенорду" на 79-й хвіліне правёў тлустую рысу пад спадзевамі італьянцаў – 3:0. Галяндцы мелі потым пару момантаў зрабіць лік 4:0.
Турнірнае становішча: Галяндыя – 3, Францыя, Румынія – па 1, Італія – 0.
Матчы другога туру ў гэтай групе будуць згуляныя ў пятніцу. Італія згуляе з Румыніяй (19:00), а Галяндыя з Францыяй (21:45).
* * *
А ў аўторак, 10 чэрвеня, уступяць у барацьбу каманды групы "D".
А 19-й пачнецца матч Гішпанія – Расея, а ў 21:45 на поле выйдуць зборныя Швэцыі і Грэцыі.
* * *
Зьвярніце ўвагу таксама на тое, што ўжо трэці дзень запар на чэмпіянаце забіваюць штодня па тры мячы. У першы дзень: Чэхія -- Швайцарыя - 1:0, Партугалія - Турцыя - 2:0. Другі дзень: Аўстрыя - Харватыя - 0:1, Нямеччына - Польшча - 2:0. У панядзелак таксама былі забітыя тры мячы. Праўда, у адной сустрэчы. У матчы Францыя і Румынія галоў не было.
P.S. І вось што цікава, хто-небудзь глядзеў па БТ фільм пра апазыцыю і злобныя пляны ЗША, што супаў зь першым таймам матчу Галяндыя - Італія, ці таксама ня здолеў пераключыцца з футболу?
Цяпер чытаюць
Апакаліпсіс заўтра. Статкевіч напісаў першы артыкул — з папярэджаннем пра небяспеку з боку Расіі28
Апакаліпсіс заўтра. Статкевіч напісаў першы артыкул — з папярэджаннем пра небяспеку з боку Расіі
У якой разведкі была найлепшая інфармацыя з Беларусі ў лютым 2022 і хто паведаміў Буданаву, што асноўны ўдар расіян будзе на Гастомель. З’явілася вялікая публікацыя2020
Каментары