Робэрт Мугабэ ўзмацніў ціск на апазыцыю: за кратамі лідэр Руху за дэмакратычныя перамены Морган Цвангірай і яшчэ 20 чалавек, а генэральнаму сакратару арганізацыі пагражае сьмяротная кара.
Сёньня паліцыя Зымбабвэ ўзмацніла кампанію арыштаў апазыцыі. За краты трапіў лідэр Руху за дэмакратычныя перамены Морган Цвангірай (Morgan Tsvangirai), а генэральны сакратар арганізацыі Тэндаі Біці (Tendai Biti) абвінавачаны ў здрадзе.
Апазыцыя кажа, што Цвангірай і 20 чалавек з яго атачэньня былі арыштаваныя на блёк-посьце падчас сустрэчаў з выбаршчыкамі ў горадзе Квэквэ (Kwekwe), за 200 кілямэтраў ад сталіцы Харарэ (Harare).Тэндаі Біці, якому пагражае сьмяротнае пакараньне, быў схоплены ў сталічным аэрапорце, калі прыляцеў з Паўднёвай Афрыкі. Прэс-сакратар паліцыі заявіў, што Біці абвінавачваецца ў здрадзе і падачы заведама непраўдзівых зьвестак аб выніках прэзыдэнцкіх выбараў.
Гэта ўжо трэцяе затрыманьне Моргана Цвангірай за тыдзень. Апазыцыя і групы па правах чалавека вінавацяць прэзыдэнта Робэрта Мугабэ ў разьвязваньні кампаніі арыштаў, гвалту і запалохваньня напярэдадні апошняга туру выбараў, у якіх удзельнічае Цвангірай.
Цяпер чытаюць
Дарадца прэзідэнта Польшчы пракаментаваў зварот Калеснікавай і Золатавай: Лукашэнка выпускае некалькі дзясяткаў вязняў, а на наступны дзень затрымлівае новых1818
Каментары