У пасёлку Гацук Слуцкага раёна малады чалавек паспрабаваў скрасці жывую курыцу. Яго дагналі, затрымалі і перадалі міліцыі, паведамляе прэс-служба УУС Мінаблвыканкама.
Жыхар Гацука звярнуў увагу на тое, што незнаёмы малады чалавек нахіліўся над суседскай курыцай, схапіў яе і паспрабаваў збегчы. Аклікнуўшы незнаёмца, мужчына накіраваўся да яго, а жонку папрасіў патэлефанаваць у міліцыю.
Але просьба пакінуць у спакоі бедную птушку не падзейнічала, невядомы, не выпускаючы з рук здабычу, кінуўся наўцёкі.
Пры гэтым зламыснік спрабаваў скруціць курыцы шыю, каб потым растлумачыць, што знайшоў птушку мёртвай.
Але далёка збегчы не ўдалося, яго дагнаў сведка злачынства. Завязалася бойка, у якой перамогу атрымаў гэты самы сведка.
Супрацоўнікі міліцыі, што прыбылі на месца здарэння, дазналіся, што злодзей - 27-гадовы жыхар Мінскага раёна, які трапіў у Гацук ў пошуках заробку.
Малады чалавек быў у стане ап'янення і толкам растлумачыць матыў учынку не змог. Заведзена крымінальная справа.
Цяпер чытаюць
Мінск сёння вечарам пагрузіўся ў цемру. Пасля загаду Лукашэнкі23
Мінск сёння вечарам пагрузіўся ў цемру. Пасля загаду Лукашэнкі
Агентка Кардаш выкарыстоўвала сэкс, каб збіраць інфармацыю пра каліноўцаў і завербаваць украінскага камандзіра. А куратару КДБ пісала пра яго: «Мой лох»3535
Каментары