15 снежня Аляксандр Лукашэнка прызначыў лідара Камуністычнай партыі Беларусі Ігара Карпенку новым міністрам адукацыі.
Лукашэнка адзначыў, што спыніўся на кандыдатуры Ігара Карпенкі, выбіраючы сярод многіх прапанаваных. «Вас не трэба пераконваць у ідэйнай накіраванасці нашай дзяржавы. І вас не трэба пераконваць у тым, якая ўвогуле ў нас павінна быць адукацыя», — цытуе словы Лукашэнкі БелТА.
Ігар Карпенка нарадзіўся ў 1964 у Новакузнецку. Гэта сібірскі горад непадалёку ад Казахстана і Манголіі.
Аднак адукацыю ён атрымаў ужо ў Мінску — у педінстытуце. Карпенка можа быць настаўнікам гісторыі, грамадазнаўства і англійскай мовы. Праўда, у школе ён працаваў толькі піянерважатым.
Ёсць у яго і другая адукацыя — у Акадэміі кіравання.
Да апошняга часу ён з’яўляўся намеснікам старшыні Мінгарвыканкама.
Раней міністэрства ўзначальваў Міхаіл Жураўкоў.
Лукашэнка падкрэсліў, што перад Ігарам Карпенкам стаіць шмат задач па развіцці і вырашэнні розных праблемных пытанняў у адукацыі. У тым ліку гаворка ідзе пра далейшую рэалізацыю пэўнай для гэтай сферы канцэпцыі, удасканаленні навучальных праграм.
«На жаль, мае ўстаноўкі не ў поўным аб'ёме рэалізаваны ў адукацыі. І вам гэта трэба будзе ўсё рэалізаваць», — адзначыў кіраўнік краіны.
-
«Я хачу развеяць міф, што я вельмі моцны чалавек, проста танк, бо многія ведаюць мяне з 2020-га». Размова з Галінай Казіміроўскай аб перамозе над цяжкім дыягназам
-
Грамадзяніна Чэхіі, які прыехаў да хворай маці ў Беларусь, асудзілі на шэсць гадоў
-
Унікальны тэлескоп вярнулі на верхнюю пляцоўку абсерваторыі Мінскага планетарыя
Цяпер чытаюць
«Пасля першага забойства з ім развялася жонка». Што вядома пра шматдзетнага Сяргея са Столінскага раёна, які пасля вызвалення з калоніі забіў трох чалавек3
«Пасля першага забойства з ім развялася жонка». Што вядома пра шматдзетнага Сяргея са Столінскага раёна, які пасля вызвалення з калоніі забіў трох чалавек
Дарадца прэзідэнта Польшчы пракаментаваў зварот Калеснікавай і Золатавай: Лукашэнка выпускае некалькі дзясяткаў вязняў, а на наступны дзень затрымлівае новых2323
Каментары