Нацыянальная акадэмія навук Беларусі пачне ў 2017 годзе выраб Беларускага касмічнага апарата дыстанцыйнага зандзіравання Зямлі высокага распазнавання — БКА-2. Аб гэтым паведаміў сёння кіраўнік апарату НАН Беларусі акадэмік Пётр Віцязь у час прэзентацыі Года навукі ў Беларусі.
«За апошнія два гады ў Беларусі з'явілася новая галіна навукі - касмічныя даследаванні. Для гэтага ў нас створана сістэма дыстанцыйнага зандзіравання Зямлі, ёсць свой спадарожнік. Цяпер мы працуем над стварэннем новага спадарожніка дыстанцыйнага зандзіравання з распазнаваннем 0,5 м, наша задача ў гэтым годзе - пачаць яго выраб. Мы прапрацавалі ўжо тэхнічныя патрабаванні, падпісалі неабходныя дагаворы», — сказаў Пётр Віцязь.
Ён растлумачыў, што касмічная інфармацыя з першага спадарожніка дыстанцыйнага зандзіравання Зямлі выкарыстоўваецца 11 міністэрствамі Беларусі. «Работа БКА-1 прадоўжана на два гады, гэта ўжо ўзгоднена з Раскосмасам. Акрамя таго, разам з БДУ мы стварылі нанаспадарожнік, які трэба ў гэтым годзе запусціць, стварыць сістэму кіравання. Лічу, што мы гэта будзем рабіць разам, каб выкарыстоўваць гэты спадарожнік не толькі ў вучэбных мэтах, але і ў навуковых», — расказаў ён.
Як паведамлялася, БКА-2 будзе стварацца ў той жа кааперацыі распрацоўшчыкаў, якія выраблялі і БКА-1. З расійскага боку гэта АТ «Карпарацыя «УНДІЭМ» (Усесаюзны навукова-даследчы інстытут электрамеханікі з заводам імя А.Г.Іасіф'яна). Мэтавую апаратуру будзе вырабляць беларускае прадпрыемства «Пеленг». Эксплуатацыя БКА-2 дасць магчымасць ствараць тапаграфічныя навігацыйныя карты ў маштабе 1:10 000, адпаведна гэта стане асновай для вырашэння розных кадастравых задач. Запусціць другі касмічны апарат дыстанцыйнага зандзіравання Зямлі плануецца ў канцы 2019 года.
Першы Беларускі спадарожнік дыстанцыйнага зандзіравання Зямлі быў паспяхова выведзены на разліковую арбіту 22 ліпеня 2012 года з касмадрома Байканур у Казахстане ў кластары з пяці касмічных апаратаў. Цяпер БКА ажыццяўляе касмічныя здымкі ў інтарэсах 21 арганізацыі, якія знаходзяцца ў веданні 11 міністэрстваў Беларусі, а таксама камерцыйныя здымкі ў інтарэсах шэрага замежных заказчыкаў.
Цяпер чытаюць
«Звяжыцеся з намі»: Пракоп'еў напісаў калонку для «НН», у якой абгрунтоўвае знаходжанне Ціханоўскага ў Штатах і просіць грошай51
«Звяжыцеся з намі»: Пракоп'еў напісаў калонку для «НН», у якой абгрунтоўвае знаходжанне Ціханоўскага ў Штатах і просіць грошай
Галіна Дзербыш казала пракурору: «Як памру, буду да ўсіх вас ноччу прыходзіць». І жыццё ўжо дагнала яе суддзю і сведак. Гісторыя пенсіянеркі, якой далі 20 гадоў калоніі1515
Каментары