Прэм'ер-міністар Польшчы Бэата Шыдла з'явілася ў эфіры вячэрніх навін польскага тэлебачання і супакоіла суграмадзян паведамленнем аб адсутнасці ў яе цяжкіх траўмаў.
Палітык звязалася са студыяй праз смартфон і заявіла пра тое, што ў яе ўсё добра і хутка яна спадзяецца выйсці са шпіталя, як толькі дазволяць дактары.
Premier @BeataSzydlo w @WiadomosciTVP: chcę podziękować za wszystkie słowa otuchy, wsparcia, to naprawdę dodaje sił https://t.co/ZJtHcS3u9g
Бэата Шыдла трапіла ў аўтамабільную аварыю ў пятніцу, 10 лютага, у горадзе Асьвенцім на поўдні краіны. Старшыня Кабінэту міністраў Польшчы накіроўвалася з Варшавы на выходныя да дому. На шляху аўтакалёны, якая перавозіла прэм’ера, нечакана зьявіўся невялікі легкавы Fiat. Пазьбягаючы сутыкненьня, кіроўца ўрадавай машыны зьвярнуў з трасы, у выніку чаго аўто з прэм’ерам урэзалася ў дрэва на абочыне.
У выніку аварыі прэм'ер-міністар атрымала лёгкія траўмы й гематомы. Бэата Шыдла прайшла неабходныя дасьледаваньні ў шпіталі Асьвенціма, а пазьней была дастаўленая на верталёце мэдыцынскай авіяцыі ў клініку Варшаўскага ваеннага мэдыцынскага інстытуту.
Вінаваты ў сутыкненні з картэжам прэм'ер-міністра Польшчы — 21-гадовы мужчына. Яму пагражае пазбаўленне волі тэрмінам да трох гадоў, паведамляе Радыё Польшча.
Цяпер чытаюць
«Хлопцы паднеслі мае сумкі — і тут жа паехалі ў ШІЗА». Бабарыка расказаў, як яму стваралі ў турме невыносныя ўмовы2
«Хлопцы паднеслі мае сумкі — і тут жа паехалі ў ШІЗА». Бабарыка расказаў, як яму стваралі ў турме невыносныя ўмовы
Дарадца прэзідэнта Польшчы пракаментаваў зварот Калеснікавай і Золатавай: Лукашэнка выпускае некалькі дзясяткаў вязняў, а на наступны дзень затрымлівае новых1919
Каментары