«Эксперымент пераходзіць на практычныя рэйкі», — напісаў у сваім блогу ізраільскі афіцэр і вайсковы эксперт Давід Гендэльман.
У канцы гэтага месяца ў Ізраілі пачынаецца новы прызыў у змяшаныя мужчынска-жаночыя батальёны, якія пераважна займаюцца патруляваннем спакойных раёнаў ізраільскай мяжы.
З набраных жанчын плануецца адабраць 15 найбольш фізічна гатовых добраахвотніц для службы ў танкавых экіпажах у якасці кіроўцаў, наводчыкаў, зараджальшчыкаў-сувязістаў.
Аднак, у адрозненне ад звычайных танкістаў, гэтыя жанчыны пройдуць скарочаную падрыхтоўку — іх не будуць рыхтаваць для ўдзелу ў поўнамаштабных баях, а толькі для падтрымкі змяшаных батальёнаў. Камандзіры экіпажаў будуць мужчынамі.
Для жанчын плануецца ўвесці спецыяльны аблегчаны рыштунак і дыету. Імаверна, як і ў змяшаных батальёнах, будуць зніжаныя нарматывы фізічнай падрыхтоўкі.
Такім чынам ствараецца асобная структура танкавых падраздзяленняў з абмежаванымі функцыямі.
У выніку «пакуль плануецца кірунак «чым заняць жанчын у танках», а не «як увесці жанчыны у сапраўдныя танкавыя войскі», адзначае эксперт, па меркаванні якога такія эксперыменты — толькі вынік палітычнага ціску з боку фемінісцкага лобі.
Раней ізраільская армія праводзіла падобныя эксперыменты па стварэнні жаночых танкавых экіпажаў у 2001, 2009, 2014 гадах, але ва ўсіх выпадках былі атрыманыя адмоўныя вынікі — пераважна з-за падвышанага траўматызму сярод жанчын праз высокія фізічныя нагрузкі.
Трэніравацца жанчыны-танкісты будуць на танках Меркава-3.
Цяпер чытаюць
«Калі мне было два гады, сваякі павезлі мяне ў Беларусь». Праз сацсеткі дзяўчына адшукала бацьку-расіяніна — але скончылася гісторыя сумна14
«Калі мне было два гады, сваякі павезлі мяне ў Беларусь». Праз сацсеткі дзяўчына адшукала бацьку-расіяніна — але скончылася гісторыя сумна
«Беларусь яны бачаць часткай Расіі». Што значыць уздым «Альтэрнатывы для Германіі», наколькі далёка гэта можа зайсці і як сябе пазіцыянаваць беларусам5454
Каментары