Супрацоўнікі ДАІ атрымалі паведамленне пра нецвярозага кіроўцу на вуліцы Волаха ў Мінску ўвечары 1 мая. Яны спрабавалі спыніць кіроўцу «Мерседэса», але той спрабаваў уцячы. Адзін з інспектараў павіс на дзвярах аўто. Машына паехала проста з ім.
Пасля павароту на вялікай хуткасці інспектар упаў на праезную частку. Ён атрымаў траўмы, аднак яго жыццю нічога не пагражае.
Праз некалькі хвілін п'янага кіроўцу ўдалося затрымаць — ён патрапіў у затор перад светлафорам.
У кіроўцы «Мерседэса» выявілі 2,7 праміле алкаголю. На яго складзена 9 пратаколаў аб адміністрацыйных парушэннях, заведзеная крымінальная справа за супраціў супрацоўніку органаў унутраных спраў.
Цяпер чытаюць
У чым прычына незадаволенасці жыхароў мікрараёна Лебядзіны ў Мінску? Вось што насамрэч там планавалі будаваць4
Каментары