Электратаксі могуць з'явіцца на вуліцах Мінска ў 2019 годзе, паведаміў БЕЛТА намеснік генеральнага дырэктара па навуковай рабоце і інавацыйнай дзейнасці Аб'яднанага інстытута машынабудавання НАН Беларусі Алег Ялавы.
«На эксперыментальным узоры электрамабіля мы адпрацуем тэхналагічныя і канструктарскія рашэнні, каб затым вырабіць доследныя ўзоры розных па магутнасці і прызначэнні электрамабіляў. Мы нацэленыя перш за ўсё на стварэнне электратаксі. Гэта дазволіць ацаніць электрамабіль у гарадскіх умовах. Мы ўжо абмяркоўвалі гэта з кіраўніцтвам Мінгарвыканкама, і нашу ідэю падтрымліваюць. Калі ўсё пойдзе па плане, электратаксі могуць з'явіцца на вуліцах Мінска ўжо ў 2019 годзе», — сказаў Алег Ялавы.
Плануецца, што электратаксі будуць больш простым варыянтам аўтамабіляў з меншай магутнасцю і будуць прызначаныя для перамяшчэння па Мінску і прыгарадзе. «Мы запускаем і іншы праект, у выніку якога будзе створаны электрамабіль большай магутнасці. Яго змогуць выкарыстоўваць службы дастаўкі, магчыма, экстранныя службы, ён будзе прыдатны для больш далёкіх паездак, перамяшчэння паміж гарадамі. Ёсць задумка стварыць яшчэ і трэці варыянт беларускага электрамабіля — нешта падобнае да суперкара Tesla», — дадаў намеснік гендырэктара.
У Беларусі плануецца распрацаваць і айчынны акумулятар для электрамабіля. «Мы хочам замяніць літый-іённы акумулятар на беларускі акумулятар з графенападобнага матэрыялу, які распрацоўваецца ў НПЦ па матэрыялазнаўстве. Ён будзе таннейшы па кошце і не саступіць па магутнасці зарада, якая ўплывае на працягласць працы і прабег электрамабіля», — растлумачыў Алег Ялавы.
Навукоўцы ўжо прыступілі да працы над доследнымі ўзорамі электрамабіля. Плануецца, што гэтыя ўзоры будуць гатовыя да снежня 2018 года, затым пройдуць выпрабаванні і сертыфікацыю, а з 2019-га ў Беларусі ўжо можа быць арганізаваная ўласная вытворчасць электрамабіляў.
-
Як беларускія лазеры дапамаглі даследаванням, за якія сёлета ўручылі Нобелеўскую прэмію па медыцыне
-
Сучасныя метады судовай экспертызы паказалі: першыя цары Егіпта маглі адпраўляцца ў замагільны свет не адны
-
Нейрасеткі вынайшлі салідарнасць: яны сабатуюць знішчэнне іншых нейрасетак, называючы гэта забойствам
Цяпер чытаюць
«Стрэльба калі і стрэліць, то наўрад ці кулямётнай чаргой». Максім Знак ацаніў рэальнасць пагроз беларускай прапаганды пазбавіць грамадзянства палітэмігрантаў1010
Каментары