Бяспека Wi-Fi-падлучэнняў аказалася пад пагрозай з-за сур'ёзнай уразлівасці, высветліла група спецыялістаў. Пра гэта паведамляе The Verge.
Эксперты выявілі крытычныя праблемы ў пратаколе бяспекі WPA2, які выкарыстоўваецца для абароны асабістых і карпаратыўных сетак. З-за уразлівасці, як сцвярджаюць спецыялісты, любую Wi-Fi-сетку можна ўзламаць і атрымаць доступ да ўсяго трафіку.
«Калі ваша прылада падтрымлівае Wi-Fi, то, хутчэй за ўсё, знаходзіцца ў небяспецы», — адзначаецца ў анонсе даследавання.
Акрамя таго, эксперты падкрэсліваюць, што 41 працэнт прылад на базе Android схільныя да «выключна разбуральнага» варыянту ўразлівасці.
Даследчыкі рэкамендуюць пакуль не выкарыстоўваць іншыя пратаколы бяспекі, бо яны яшчэ больш ненадзейныя. Поўную справаздачу аб эксплоіце пад назвай KRACK апублікуюць і прадставяць 1 лістапада на канферэнцыі ACM CCS.
Каментары