Навукоўцы ўпершыню вырасцілі ў прабірцы паўнавартасную скуру і перасадзілі яе дзіцяці
Генетыкі і біёлагі з Нямеччыны ўпершыню штучна вырасцілі паўнавартасную скурную тканку і выкарысталі яе, каб выратаваць жыццё дзіцяці, з якога злазіла скура праз цяжкае генетычнае захворванне, гаворыцца ў часопісе Nature.
Сямігадовае дзіця, як распавядаюць аўтары артыкула, пакутавала на вельмі рэдкае генетычнае захворванне — пагранічны булёзны эпідэрмаліз.
Калі дзіця патрапіла ў шпіталь, у яго ўжо не было каля 60% скуры. Некаторыя ўчасткі на целе аднак засталіся амаль цэлымі, што дазволіла навукоўцам атрымаць невялікую колькасць ствалавых клетак з іх, выдаліць мутантную версію гена і замяніць яе на яго правільную копію. Пасля гэтага навукоўцы размножылі клеткі ў прабірцы і прымусілі іх ператварыцца ў розныя тыпы клетак скуры.
Вырасціўшы прыкладна квадратны метр штучнае скуры, навукоўцы перасадзілі невялікі яе кавалачак на руку дзіцяці для праверкі рэакцыі арганізму, а потым замянілі ўжо каля 80% скурнага покрыва.
Праз год скура цалкам прыжылася і маленькі пацыент быў выпісаны са шпіталя. Зараз навукоўцы рэгулярна назіраюць за ім, бо невядома, наколькі падобная працэдура павялічвае шанцы развіцця рака скуры.
Цяпер чытаюць
Беларус, які ваяваў за Украіну, распавёў, чым яго зачаравала каханка Іна Кардаш, агентка КДБ18
Беларус, які ваяваў за Украіну, распавёў, чым яго зачаравала каханка Іна Кардаш, агентка КДБ
Агентка Кардаш выкарыстоўвала сэкс, каб збіраць інфармацыю пра каліноўцаў і завербаваць украінскага камандзіра. А куратару КДБ пісала пра яго: «Мой лох»3030
Агентка Кардаш выкарыстоўвала сэкс, каб збіраць інфармацыю пра каліноўцаў і завербаваць украінскага камандзіра. А куратару КДБ пісала пра яго: «Мой лох»30
Учора — у лукашэнкаўскай турме, сёння — у Кіеве дапамагае ўкраінцам выжыць. Былы палітвязень і сваяк Ціханоўскай стаў валанцёрам у Пункце нязломнасці66
Учора — у лукашэнкаўскай турме, сёння — у Кіеве дапамагае ўкраінцам выжыць. Былы палітвязень і сваяк Ціханоўскай стаў валанцёрам у Пункце нязломнасці6
Хочаце жыць доўга — шукайце раён з нармальнымі дрэвамі. Навукоўцы высветлілі, што дрэвы ратуюць ад інфарктаў, а газоны могуць нават нашкодзіць здароўю44
Каментары