34-гадовага мужчыну падазраюць у продажы шкоднага праграмнага забеспячэння.
Акром таго, паводле звестак, затрыманы быў таксама адміністратарам форумаў, на якіх абмяркоўваліся пытанні здзяйснення супрацьпраўных дзеянняў у сферы высокіх тэхналогій.
У ходзе сумесных мерапрыемстваў СК, упраўлення «К» (якое займаецца раследаваннем кіберзлачынстваў) і ФБР удалося ідэнтыфікаваць асобу гэтага мужчыны. Ім аказаўся жыхар Гомельскай вобласці 1983 года нараджэння. Пасля гэтага супрацоўнікі ФБР ЗША ажыццявілі закупку ў беларуса шкоднаснага праграмнага забеспячэння. Зыходны код гэтай праграмы быў правераны спецыялістамі ў галіне інфармацыйнай бяспекі, якія далі заключэнне аб яго шкоднаснасці.
У ходзе следства таксама было ўстаноўлена, што мужчына дапамагаў сваім суразмоўцам у сетцы інтэрнэт у набыцці і абнаўленні шкоднаснага ПА, а таксама аказваў паслугі тэхпадтрымкі.
ПА з'яўлялася траянам, які запампоўваў на камп’ютар карыстальніка праграмы, з дапамогай якіх можна было сачыць за карыстальнікам, збіраць аб ім інфармацыю, атрымліваць доступ да ўсіх яго акаўнтаў і пароляў.
За кожную здзелку па продажы шкоднаснага праграмнага забеспячэння зламыснік атрымліваў 500 даляраў ЗША, за кожнае абнаўленне ПА - 10 даляраў. Колькасць эпізодаў незаконнай дзейнасці, а таксама даход, атрыманы ад яе, ўсталёўваюцца следчымі.
У канцы лістапада 2017 года праводзілася глабальная міжнародная аперацыя, падчас аператыўна-вышуковых і следчых мерапрыемстваў былі выяўленыя прадаўцы, уладальнікі сервераў, а таксама асобы, якія актыўна выкарыстоўваюць гэтую праграму.
Пачаткам аперацыі паслужыла затрыманне беларуса на тэрыторыі Гомельскай вобласці. Падчас агляду кампутарнай тэхнікі следчымі і супрацоўнікамі Упраўлення «К» атрыманы прамыя доказы здзяйснення затрыманым злачынстваў і яго прыналежнасці да міжнароднай кіберзлачыннай групоўцы, паведамляюць следчыя.
Затрыманаму пагражае да 10 гадоў. Паведамляецца, што ён дае паказанні і супрацоўнічае са следствам.
«Я падняў аднаго са слабавікоў — і выпусціў яго на асфальт». Дэсантнік Руслан Акостка расказаў, як адседзеў 4 гады21
Каментары