Навукоўцы высветлілі, якія мужчыны падабаюцца жанчынам найбольш
Аўстралійскія навукоўцы з Універсітэта Грыфіта даказалі, што ўсе жанчыны лічаць прывабным атлетычнае мужчынскае цела.
Гэта абвяргае распаўсюджанае меркаванне пра існаванне жанчын, якія аддаюць перавагу прадстаўнікам моцнага полу са слаба развітай мускулатурай, паведамляецца ў даследаванні, апублікаваным у часопісе Royal Society.
Падчас даследавання 160 жанчынам прапанавалі фота мужчынскіх целаў, на якіх не было бачна твараў. На здымках былі частыя наведнікі трэнажорнай залы і студэнты, якія не займаюцца сілавымі практыкаваннямі.
Паводле атрыманых дадзеных, усе ўдзельніцы праекта больш прывабнымі палічылі целы мужчын, якія займаюцца ў спартзале. Навукоўцы падкрэсліваюць, што выявы неспартыўных целаў не спадабаліся аніводнай жанчыне.
Розніца ў ацэнках дасягае 70%. Дадатковыя балы атрымалі фота высокіх мужчын, а адмоўныя адзнакі — выявы людзей з залішняй вагой.
На думку навукоўцаў, жанчыны рабілі выбар паводле свайго інстынкту, які падказвае, што толькі фізічна моцны мужчына здолее абараніць яе і сям'ю.
Цяпер чытаюць
Расійскі рэпер Ягор Крыд зняўся ў майцы з выявай героя фільма «Ідзі і глядзі», якому дамалявалі пірсінг і татуіроўкі. Цішотку выпусцілі крама беларускі1010
Каментары