Чакаецца сустрэча зь міністрам замежных справаў Польшчы Радаславам Сікорскім.
Паводле нашай інфармацыі, плянуецца сустрэча ў Варшаве міністра замежных справаў Польшчы Радаслава Сікорскага зь лідэрамі беларускай апазыцыі. Датай было спачатку вызначана 10 кастрычніка, пазьней візыт быў адкладзены.
У дэлегацыю апазыцыі ўвойдуць чатыры сустаршыні АДС — Вінцук Вячорка, Анатоль Лябедзька, Сяргей Калякін і Анатоль Ляўковіч, а таксама лідэр Руху «За свабоду» Аляксандар Мілінкевіч, старшыня Партыі БНФ Лявон Баршчэўскі і былы палітвязень Аляксандар Казулін.
Мяркуецца, што гаворка пойдзе пра вынікі парлямэнцкіх выбараў, а таксама далейшыя шляхі супрацоўніцтва польскага ўраду зь Беларусьсю.
Цяпер чытаюць
У чым прычына незадаволенасці жыхароў мікрараёна Лебядзіны ў Мінску? Вось што насамрэч там планавалі будаваць5
Каментары