Лідар каталонскіх сепаратыстаў, затрыманы ў Германіі, выйдзе на волю пад заклад у 75 000 еўра. Пагроза яго высылкі ў Іспанію па-ранейшаму застаецца высокай, паведамляе DW.
Лідар каталонскіх сепаратыстаў Карлес Пучдэмон выпушчаны з-пад варты ў Германіі пад падпіску аб нявыездзе. Вярхоўны зямельны суд Шлезвіг-Гальштэйна ў чацвер, 5 красавіка, прыняў рашэнне экстрадзіраваць каталонскага палітыка. Разам з тым яго выпусцілі на волю пад падпіску аб нявыездзе і пад заклад у 75 000 еўра.
Рашэнне аб экстрадыцыі грунтуецца на абвінавачванні Іспаніяй Пучдэмона ў растраце дзяржаўных сродкаў, але не на абвінавачванні ў арганізацыі бунту. Аднак канчатковае рашэнне пра лёс каталонскага палітыка будзе прымаць Генеральная пракуратура Германіі.
55-гадовы Карлес Пучдэмон ў кастрычніку 2017 года абвясціў незалежнасць Каталоніі ад Іспаніі і затым збег у Бельгію, ратуючыся ад пераследу з боку іспанскай юстыцыі. 25 сакавіка ён быў затрыманы ў Германіі, праз тэрыторыю якой ён праязджаў, вяртаючыся з Фінляндыі ў Бельгію.
-
Перамовы Кіеў — Масква — Вашынгтон пройдуць у пачатку лістапада
-
Памёр бізнэсмен Лучанскі, якога часопіс Time у 1990‑х назваў «самым небяспечным нязлоўленым злачынцам у свеце»
-
«Ну што, піндос, наваяваўся? Зараз мы табе пакажам». Як здзекваліся ў расійскім палоне з амерыканца Хабарда, якога выпусціў Пуцін
Цяпер чытаюць
Расійскі рэпер Ягор Крыд зняўся ў майцы з выявай героя фільма «Ідзі і глядзі», якому дамалявалі пірсінг і татуіроўкі. Цішотку выпусцілі крама беларускі1010
Каментары