У Беларусі сёння афіцыйна адзначаць Радаўніцу — дзень памінання памерлых. Ва Украіне такі дзень — Правадная нядзеля, першая нядзеля пасля Пасхі. Менавіта тады украінцы наведваюць могілкі, там адбываюцца памінальныя малітвы, асвячаюцца магілы. Традыцыя прыходзіць на могілкі да продкаў менавіта ў Правадную нядзелю шырока існуе, да слова, і ў Беларусі, а менавіта, на Брэстчыне.
Увогуле, ва Украіне сутыкнуліся з праблемай, якая ў пэўнай ступені характэрная і для Беларусі: недахоп месца для новых пахаванняў на існуючых могілках і недахоп месцаў для размяшчэння новых могілак. Каб вырашыць яе, прапануецца новы закон, які прадугледжвае магчымасць пахавання людзей не толькі на могілках, але і ў іншых месцах, у прыватнасці, у парках і скверах, іншых зямельных участках.
Згодна з законапраектам, у населеных пунктах дазваляецца адводзіць месца памерлым не толькі на тэрыторыях могілак, але і ў парках, лесапарках, парках культуры і адпачынку. Але гэта мусяць быць біяпахаванні.
Біяпахаванне — гэта разнавіднасць пахавання з выкарыстаннем матэрыялаў, якія раскладаюцца на працягу пяці гадоў. Над такім месцам пахавання усталёўваюць толькі інфармацыйную таблічку — ніякіх надмагільных збудаванняў усталёўваць будзе нельга.
Цяпер чытаюць
23‑гадовага афіцэра брыгады спецназа асудзілі на 19 гадоў за «здраду дзяржаве»17
23‑гадовага афіцэра брыгады спецназа асудзілі на 19 гадоў за «здраду дзяржаве»
«Людзі каментавалі, што сальманела ўвайшла ў чат». Беларус паехаў працаваць у Крэмніевую даліну — і стаў кулінарным блогерам на 28 мільярдаў праглядаў1010
Каментары