Юрыст Ігар Случак працягвае рассылаць звароты мясцовым уладам з просьбай выказаць сваю пазіцыю па пытанні ўнясення зменаў у закон «Аб абароне правоў спажыўцоў». Ігар высвятляе стаўленне кіраўніцтва гар- і райвыканкамаў да прапановы зрабіць абавязковым размяшчэнне як рускай, так і беларускай мовы на ўпакоўках тавараў, што прадаюцца ў Беларусі.
Днямі Случак атрымаў адказы ад гарадскіх і раённых уладаў Баранавіч. Сітуацыя нетыповая — погляды абсалютна не супадаюць.
Баранавіцкі гарвыканкам у лісце зазначае, што падтрымлівае меры, якія спрыяюць замацаванню раўнапраўнасці абедзвюх дзяржаўных моў. Але мяркуе, што змены, пра якія гаворыць Случак, пацягнуць дадатковыя выдаткі для вытворцаў, якім давядзецца набыць дарагое абсталяванне, каб змясціць інфармацыю на дзвюх мовах. Гарвыканкам не бярэцца сказаць адназначна, падтрымлівае ці не падтрымлівае падобныя змены, а толькі ўказвае на неабходнасць «дасканалага аналізу і экспертызы».
У той час як Баранавіцкі райвыканкам лічыць прапанову грунтоўнай і адназначна «выказвае сваю падтрымку».
Чытайце таксама: Дзяржстандарт прапанаваў, каб пісаць на ўпакоўках можна было толькі па-беларуску. Але Еўразійскі саюз забараніў
З YouTube выдалілі каналы БелТА, СТБ і АНТ. Улады пагражаюць контрмерамі49
Каментары