Прэзідэнт Расіі Уладзімір Пуцін і амерыканскі лідар Дональд Трамп на саміце ў Хельсінкі абмеркавалі Косава і ўзгаднілі свае пазіцыі па гэтым пытанні, піша Gazeta Express са спасылкай на дыпламатычныя крыніцы.
Паводле іх інфармацыі, прэзідэнт ЗША таксама даў згоду на падзел часткова прызнанай дзяржавы. Адзначаецца, што яго адміністрацыя лічыць правільным прызнанне незалежнасці рэгіёна ад Сербіі ў абмен на перадачу ёй часткі зямель Косава.
Газета піша, што такое змяненне ў поглядах у параўнанні з папярэднімі прэзідэнтамі (яны выступалі за непарушнасць межаў Косава) звязана з прыходам Джона Болтана на пасаду дарадцы прэзідэнта ЗША па нацыянальнай бяспецы. Адзначаецца, што ён вядомы антыкосаўскімі поглядамі з тых часоў, калі быў амерыканскім прадстаўніком у ААН.
Рэспубліка Косава — часткова прызнаная дзяржава на Балканскім паўвостраве. Асноўнае насельніцтва — албанцы. Сербія лічыць Аўтаномны край Косава і Метохія, як называецца рэгіён у канстытуцыі, часткай сваёй тэрыторыі.
Цяпер чытаюць
Арыштавалі прадстаўнікоў кампаніі Bayer у Беларусі7
Каментары