Тры жыхары Гданьска збілі беларускую сям'ю, якая жыла па суседстве, паведамляе Gazeta Wybоrcza.
Беларуская сям'я пасялілася ў Гданьску сёлета ў маі. Практычна адразу пачаўся канфлікт — мясцовыя мужчыны 49, 50 і 52 гадоў сталі абражаць новых суседзяў.
Пацярпелы бок спрабаваў пазбегнуць канфрантацыі з нядобранадзейнымі суседзямі, але мужчыны абражалі беларусаў па нацыянальнай прыкмеце, калі сустракалі іх на лесвічнай клетцы ці на заднім двары.
На мінулым тыдні мужчыны напалі на суседа з Беларусі. Яны ўдарылі яго па галаве, пацягнулі за рукі, а таксама напалі на жонку, якая спрабавала яго абараніць.
Паліцыя затрымала нападнікаў. Іх абвінавачваюць у дыскрымінацыі, абразе і пагрозах, а таксама нанясенні цялесных пашкоджанняў.
Агрэсараў узялі пад варту. Ім пагражае да 5 гадоў пазбаўлення волі.
Ад прыватнікаў патрабуюць завесці ідэолага ў штаце — распыталі, што робяць кампаніі18
Каментары